सुरुङ्गा,९ भदौ । झापाको कनकाई नगरपालिकामा संचालित तेस्रो वार्डस्तरीय फुटबल प्रतियोगिताको उपाधि ट्राईब्रेकरमा बार्डनम्बर ३ लाई हराउदै वार्डनम्बर २ ले हासिल गरेको छ ।
कनकाई खेलकुद प्रतिष्ठानको आयोजना तथा कनकाई नगरपालिकाको आर्थिक सहयोगमा संचालित फुटबल प्रतियोगितामा खेल अवधिभर गोल रहित बराबरीमा सकिए पछि खेल रेफ्री सन्तोष चौधरीले खेलको निर्णय सोझै पेलान्टी सुट आउटबाट गरेका थिए । जसमा वार्डनम्बर २ ले ३—२ गोल अन्तरमा बिजयी भएको हो ।
बिजेता बनेको २ नम्बर वार्डले नगद २२ हजार र ट्रफि हात पार्न सफल भयो भने उपविजयी बनेको बार्डनम्बर ३ ले नगद १६ हजार र ट्रफि हात पार्न सफल बन्यो ।
फाईनल खेलको म्यान अफ द म्याच बिजयी टिमका गोलकिपर सुवास गजमेर बने भने मेन अफ द टुनामेन्ट वार्डनम्बर ३ का रोहन कार्की बने ।
बिजयी तथा उपविजयी खेलाडीहरुलाई कनकाई नगरपालिकाका प्रमुख राजेन्द्र पोखरेल , उपमेयर मन्जु प्रसाई वार्डनम्बर २ का वार्डअध्यक्ष परशुराम गिरी , ३ का वार्डअध्यक्ष रुद्रप्रसाद चिमरिया , नगरपालिकाका कार्यपालिका सदस्य सुनिता सिग्देल , कनकाई खेलकुदका दुत सन्त रायमाझि , कनकाई सामुदायिक वन समुहका अध्यक्ष ख्याम ओली , जामुनवारी सामुदायिक वन समुह तथा जामुनखाडी सिमसारका अध्यक्ष खेमराज सिटौला लगायातले ट्रफि तथा प्रमाणपत्र प्रदान गरेका थिए ।
कार्यक्रममा बोल्दै प्रमुख अतिथी नगरप्रमुख पोखरेलले अव कनकाई नगरपालिकालाई खेलको हव बनाइने र चाँडै खेल रङ्गशाला निर्माण प्रक्रिया अघि वढाइने बताएका छन् ।
