कनकाई खबर समाचारदाता
कनकाई मा.वि. को खेल मैदानमा फागुन १८ गतेदेखि पाँचौ जिल्ला स्तरीय महिला फुटबल प्रतियोगिता सुरु हुने भएको छ ।
खेलकुद मार्फत राष्ट्रिय निर्माणको अभियान मुल नारा वनाएर खेलकुदको क्षेत्रमा प्रशंसनीय योगदान पुर्याउँदै आएको कनकाई खेलकुद प्रतिष्ठान (कासा) ले शुक्रबार सुरुङ्गामा पत्रकार सम्मेलनमार्फत उक्त जानकारी गराएको हो ।
प्रतियोगितामा पाथिभरा महिला फुटबल टिम कचनकवल गाउँपालिका , झापा गाउँपालिका , हल्दिवारि गाउँपालिका , दमक नगरपालिका , जुनतारा खेलकुद क्लब खुदुनावारी , पारिजात महिला फुटबल क्लब सालवारी , शिवसताक्षी नगरपालिका र आयोजक कनकाई खेलकुद प्रतिष्ठान गरी जिल्ला भरीका आठवटा टिमको सहभागीता रहने प्रतिष्ठानका अध्यक्ष दिननाथ खतिवडाले वताएका छन ।
अनुमानित तीनलाख चौतीस हजार दुई सय रुपैयाँको लागतमा सम्पन्न गरिने खेललाई कनकाई नगरबाट एक लाख पचास हजार सहयोग भएको छ भने अन्य रकम स्थानीय संघ संस्था र खेल प्रेमी महानुभावबाट सहयोग जुटाइने प्रतिष्ठानका सचिव विनोद रानाले जानकारि गराएका छन् ।
प्रतियोगिता सम्पन्न गर्नकोलागि प्रतिष्ठानकी कोषाध्यक्ष अम्बिका खरेलको संयोजकत्वमा एघार सदस्यीय मुल आयोजक समिति गठन गरिएको छ भने हरि कार्कीको संयोजकत्वमा मैदान ब्यवस्थापन उपसमिति , झलक सिटौलाको संयोजकत्वमा प्रचारप्रसार उप समिति , विनोद उप्रेतीको संयोजकत्वमा आर्थिक व्यवस्थापन उपसमिति , मान्ता खरेलको संयोजकत्वमा स्वागत सम्मान उपसमिति , रमेश मैनालीको संयोजकत्वमा स्वयंसेवक परिचालन उपसमिति , विनोद रानाको संयोजकत्वमा टिम सम्पर्क उपसमिति र गोविन्द सुवेदीको संयोजकत्वमा प्राथमीक उपचार व्यवस्थापन उपसमिति समेत गरी सात वटा विभिन्न उपसमिति गठन गरि आआफ्नो जिम्मेवारी अनुसार काम सुरु भईसकेको पनि अध्यक्ष खतिवडाले जानकारी गराएका छन ।
खेलको प्रथम पुरस्कार नगद रु.६० हजार र द्वितीय पुरस्कार नगद रु.३५ हजार रहेको छ भने विजेता उपविजेता दुवैलाई ट्रफी , मेडल र प्रमाणपत्र प्रदान गरीने आयोजक आर्थिक उपसमितीका संयोजक विनोद उप्रेतीले जनाएका छन । प्रतियोगिताको प्लेयर अफ द सिरिजको पुरस्कार मुलआयोजक समिति संयोजक अम्बिका खरेलले प्रायोजन गरेकी छन ।
अन्तराष्ट्रिय नारी दिवसको अवसर पारेर खेलाइँदै आएको यो प्रतियोगिता पाचौं संस्करणमा आइपुग्दा सहभागी हुँदै आएका टिम भित्रका खेलाडीहरु प्रदेश साथै राष्ट्रिय टिममा समेत छनौट भइसकेको र कनकाई खेलकुद प्रतिष्ठानले ओझेलमा परेका खेलाडीलाई समेट्दै दक्ष खेलाडी उत्पादनकालागि चालेको कदम पनि सफल हँुदै गएकोमा प्रतिष्ठानलाई हौसला मिलेको कासा का संस्थापक अध्यक्ष ज्योति कुमार उप्रेतीले वताएका छन ।
फागुन १८ गतेदेखि सुरु भई २५ गते नारी दिवसको दिन सम्पन्न हुने प्रतियोगिताको उद्घाटन खेल आयोजक टिम र दमक नगरपालिका बिच हुने वताइएको छ ।
