झापाको मेचीनगर नगरपालिका वडा नम्बर ६ पुरानो मेचीपुलस्थित काँकरभिट्टाबाट प्रतिबन्धित लागू औषधसहित एक जनालाई प्रहरीले पक्राउ गरेको छ ।
लागूऔषध नियन्त्रण व्युरो काँकरभिट्टाबाट र इलाका प्रहरी कार्यालय काँकरभिट्टाको प्रहरी टोलीले भारतबाट नेपालतर्फ पैदल आउँदै गरेका लमजुङ सुन्दरबजार नगरपालिका वडा नं.९ का २९ बर्षिय दिपक गैरेलाई पक्राउ गरेको हो ।
गैरेलाई शंका लागेर चेकजाँज गर्दा उनको देब्रे खुट्टामा लगाएको जुत्ता भित्र राखेर लुकाई छिपाई ल्याउदै गरेको खैरो हेरोइन १९ ग्राम फेला परेको प्रहरीले जनाएको छ ।
उनलाई नियन्त्रणमा लिई ईलाका प्रहरी कार्यालय काँकरभिट्टामा राखेर थप अनुसन्धान कार्य भइरहेको जिल्ला प्रहरी कार्यालय झापाले जनाएको छ ।
कमेन्टस्
