गौरीगञ्ज , मंसिर २१ । गौरीगञ्ज गाउँपालिका वडा नं. ६ मा ट्राफिक भवनको शिलान्यास भएको छ ।
गौरीगञ्ज गाउँपालिकाकी अध्यक्ष फूलवती राजवंशीले आज बिहान विधिवतरुपमा उक्त भवनको शिलान्यास गरेकी हुन् । गौरीगञ्ज गाउँपालिका वडा नं.६ स्थित नेपाल वैंक लिमिटेडको दक्षिणपट्टि १ कठ्ठा जग्गामा ट्राफिक भवन निर्माण हुन लागेको हो । शिलान्यास कार्यक्रममा गाउँपालिकाकी उपाध्यक्ष पुजन न्यौपाने कुँवर, वडा अध्यक्षहरु वद्रीनारायण यादव, श्रवण गिरी, फेका गिरी, विजयसिंह गन्गाई, कार्यपालिका सदस्यहरु राधा अधिकारी, रमाकुमारी विक, उद्योग वाणिज्य संघ गौरीगञ्जका अध्यक्ष मखना महतो, नेपाल वैंक लिमिटेडका प्रवन्धक सञ्जय साहु, इलाका प्रहरी कार्यालय गौरीगञ्जका प्रहरी निरीक्षक अरविन्द साह, वडा सदस्यहरु, पार्टी प्रतिनिधि, व्यवसायी, बुद्धिजीवी, शिक्षकलगायतको उपस्थिति थियो ।
ट्राफिक कार्यालयको भवन निर्माण भएपछि गौरीगञ्ज क्षेत्रमा सवारी यातायातलाई व्यवस्थापन गर्न सहज हुने गौरीगञ्ज ट्राफिक इन्चार्ज शंकरप्रसाद यादवले बताए । भवन निर्माण समितिका अध्यक्ष मनोज दासको सभापतित्वमा सम्पन्न भवन शिलान्यास कार्यक्रमको सञ्चालन यादव रिजालले गरेका थिए ।
