कनकाई खबर \ केही दिनदेखी बढेको अत्यधिक गर्मीका कारण झापाका पालिकाहरुले विद्यालय विदा दिन थालेका छन ।
अत्यधिक रुपमा गर्र्मी बढेपछि झापाको कनकाई नगरपालिका, मेचीनगर र कचनकवलले पालिकाभित्र सञ्चालित विद्यालय विदा गर्न सूचना गरेका छन् । कनकाई नगरपालिकाका शिक्षा शाखा अधिकृत हरिप्रसाद मिश्रले हस्ताक्षर गरेको सूचनामा अत्यधिक गर्मीका कारण २०८० जेठ १९ गते शुक्रबार एक दिनकालागी नगर क्षेत्रभित्रका सम्पूर्ण सामुदायिक, संस्थागत तथा धार्मिक विद्यालयहरु विदा दिने निर्णय भएको बताइएको छ ।
त्यस्तै कनकाई नगपालिकाले एक दिन, मेचीनगर नगरपालिकाले दुई दिन, कचनकवल गाउँपालिकाले पाँच दिन, बिर्तामोड नगरपालिकाले तीन दिन, अर्जुनधारा नगरपालिकाले पाँच दिन, भद्रपुर नगरपालिकाले पाँच दिन र हल्दिवारीले पाँच दिन विदा दिने सूचना जारी गरिएको छ ।
कचनकवलका प्रमुख प्रशासकीय अधिकृत हिराकुमारी यादवले गर्र्मीका कारण पठनपाठनमा समस्या आएकाले पाँच दिन विदा गरिएको जानकारी दिइन् । जेठ १८ देखि २२ गतेसम्म विद्यालय बन्द गर्ने निर्णय गरिएको यादवले बताइन् । हाल दिइएको विदा बर्खे विदामा मिलान गरिने जनाइएको छ ।
