सुरुङ्गा / कनकाई नगर क्षेत्रमा क्रियाशिल पत्रकारहरुको संस्था कनकाई सुरुङ्गा प्रेस क्लवको अक्षयकोष व्यवस्थापनकालागि दाताहरुको सहयोग जारी रहेको छ ।
कनकाई नगर क्षेत्रको विकास निर्माण साथै पर्यटन प्रवद्र्धनकालागि समेत क्रियाशिल रहेका पत्रकारहरुको संस्थागत विकास गर्ने उद्येश्यले स्थापना गरेको क्लवमा हालै कनकाई सामुदायिक वन समूहले रु.२५ हजारको चेक हस्तान्तरण गरेको छ । मंगलवार वन समूहका अध्यक्ष ख्याम ओली, उपाध्यक्ष ललितवहादुर कार्की, सचिव मान्ता खरेल, सह सचिव श्रीप्रसाद खरेल, कोषाध्यक्ष प्रकाश थापा लगायत वन समूहका पदाधिकारी तथा सदस्यहरुको उपस्थितीमा प्रेस क्लवका अध्यक्ष रामप्रसाद निरौलालाई चेक हस्तान्तरण गरिएको हो । वन समूहको यो सहयोगले प्रेस क्लवलाई ठूलो हौसला मिलेको भन्दै क्लवका अध्यक्ष निरौलाले सहयोगी संस्थाप्रति धन्यवाद ज्ञापन गरेका छन् ।
वन क्षेत्रको संरक्षण सम्वद्र्धन गर्दै पर्यापर्यटनको योजनाका साथ अघि बढेको यस कनकाई सामुदायिक वन समूहले वतावरण संरक्षण साथै सामाजिक क्षेत्रमा समेत खेलेको भूमिका महत्वपूर्ण रहेको वताइएको छ । प्रेस क्लवको अक्षयकोष व्यवस्थापनकालागि यस अघि समाजसेवी व्यक्तित्वहरु दिनेश पोखरेलवाट रु.५१ हजार, कनकाई नगरपालिकाकी उपप्रमुख मन्जु प्रसाईँवाट रु.११ हजार, आशा शर्मा शिवाकोटीवाट रु.५ हजार ५ सय, चम्पा सुवेदीवाट रु.५ हजार ५ सय, कुमारमणि पोखरेलवाट रु.५ हजार, प्रकाश चुडालवाट रु.५ हजार साथै गोपीकृष्ण र सावित्रा भट्टराईवाट रु.५ हजार प्राप्त भइसकेको छ भने अन्य केही दाताहरुवाट चाडंै प्राप्त हुने वचन आएको वताइएको छ । त्यस्तै स्थानीय समाजसेवी मिनाल तिम्सिनावाट यस अघि नै प्रेस क्लवलाई रु.१०हजार वरावरको टिसर्ट सहयोग स्वरुप प्राप्त भएको वताइएको छ ।
