कनकाई खबर \ झापा सुरूङ्गाको एक होटलमा २४ वर्षिय एक महिला झुन्डीएको अवस्थामा फेला परेकी छन । सुरूङ्गा बजारमा चालु अवस्थामा रहेको हाम्रो पाथिभरा होटल एण्ड लज संचालनकालागी भाडामा लिएको एक कोठामा २४ वर्षिया सीता वुढाथोकी चौधरी झुन्डिएको अवस्थामा मृत फेला परेको होटलका संचालकले जानकारी दिए ।
होटल एण्ड लज संचालनमा रहेको घरमा कोठा भाडामा लिएर विगत नौ महिनादेखी बस्दै आएकी बुढाथोकी सुरुङ्गाको झापारोड स्थित एक होटलमा काम गर्दै आएको बताइएको छ । उनका श्रीमान रमेश चौधरी भने सोही घरमा रहेको होटलमै काम गर्दै आएको होटलका संचालक बताउँछन् \
राती १० बजेदेखी आँफूहरु सुत्ने कोठामा नभएको बताउँने श्रीमान रमेश चौधरीले विहान उज्यालो भएपछि होटलले प्रयोग गर्दै आएको खाली रहेको अर्को एक कोठामा झुन्डिएको अवस्थामा फेला पारेको बताए । अहिले विहान इलाका प्रहरी कार्यालय सुरुङ्गाको प्रहरी टोली घटनास्थलमा आइपुगेको र थप अनुसन्धानकालागी ईलाका प्रहरी कार्यालय विर्तामोडमा जानकारी गराएको ईलाका प्रहरी कार्यालय सुरुङ्गाका प्रमुख मानवहादुर मिश्रले जानकारी दिए । विर्तामोडको प्रहरी टोली घटनास्थलमा आएपछि आवश्यक प्रक्रिया अघि बढ्ने मिश्रले बताए ।
