कनकाई खबर \ सुरुङ्गा खानेपानीको हालै सम्पन्न निर्वाचनमा स्वतन्त्र प्यानलका तर्फबाट अध्यक्षमा निर्वाचित भएका भीमप्रसाद अधिकारीको नेतृत्वमा रहेको स्वतन्त्र समूहले निर्वाचनमा भएको आयव्यय विवरण सार्वजनिक गरेको छ ।
निर्वाचन परिचालन कमिटिका संयोजक शम्भुप्रसाद ढकाल सुस्केराको अध्यक्षता एवं स्वतन्त्र समाजसेवी शेरवहादुर थापा, नवनिर्वाचित अध्यक्ष भीमप्रसाद अधिकारी सहितको उपस्थितीमा बसेको समूहको बैठकमा कमिटिका आर्थिक संयोजक रमेशचन्द्र मैनालीले स्वतन्त्र प्यानलका तर्फबाट भएको आयव्यय विवरण सार्वजनिक गरेका हुन् । निर्वाचनमा फजुल खर्च नगरी मितव्ययीता अपनाउँने उद्घोषका साथ निर्वाचनमा होमीएको स्वतन्त्र प्यानलले निर्वाचनमा भएको खर्चको आयव्यय विवरण सार्वजनिक गरेसँगै अन्य सबैकालागि मार्गनिर्देश भएको बताइएको छ । निर्वाचनमा भएको खर्च जनतासँग अनुमोदन गराउँने प्रयासमा लागेको स्वतन्त्र समुहको यो कार्यले निरन्तरता पाउँन सकेमा मात्र अभियान सफल हुने विश्वास गरिएको छ / बैठकमा सहभागी सबैबाट नवनिर्वाचित अध्यक्ष अधिकारीलाई बधाई तथा शुभकामना व्यक्त गरीएको थियो ।
निर्वाचन परिचालन कमिटिका आर्थिक संयोजक मैनालीले दिएको जानकारी अनुसार निर्वाचनमा उम्मेद्वारसहित केही सहयोगी मनहरुबाट प्राप्त भएको जम्मा ५७ हजार ५ सय रुपैंया मध्ये ५२ हजार ३ सय ७५ खर्च भएको हो । बचत रहेको ५ हजार १२५ रुपैंयाँ सामाजिक क्षेत्रमा खर्च गर्ने योजना रहेको संयोजक मैनाली बताउँछन् ।
संयोजक मैनालीले दिएको जानकारी अनुसार स्वतन्त्र समुहको निर्वाचन परिचालनकालागि समुहका अग्रज व्यक्तित्व शेरवहादुर थापाबाट रु.१० हजार, धनवहादुर बोगटीबाट रु.५ हजार, माधव पोखरेलबाट रु.३ हजार, कृष्णप्रसाद चुडालबाट रु.५ हजार, गोमा निरौला ढुङ्गेलबाट रु.३ हजार, भिमप्रसाद अधिकारीबाट रु.५ हजार, राजकुमार फुयालबाट रु.३ हजार, देवीमाया न्यौपाने भण्डारी रु.३ हजार, खड्गप्रसाद चुडाल रु.१ हजार, वासुदेव निरौला रु.१ हजार, विन्दुराज दहाल रु.१ हजार, डिल्लीराम बाह्रकोटी रु.५ सय, खेमराज अधिकारी रु.५ सय, रमेशप्रसाद मैनाली रु.२ हजार, शम्भुप्रसाद ढकाल सुस्केरा रु.१ हजार, टिका ओली रु.१ हजार, मोहन थापा रु.१ हजार, नन्द चुडाल रु.१ हजार, दिननाथ खतिवडा रु.१५ सय, पूर्णवहादुर बेडारी रु.१ हजार, तीलचन्द्र उप्रेती रु.५ हजार, खगप्रसाद प्रसाईँ रु.३ हजार रहेको छ ।
खर्च तर्फ पिउने पानी २ काटन रु.३ सय, टेन्ट रु. ५ हजार, कैंची रु.१७५, अटो र सिटी भाडा रु.२ हजार, खाना रु.३५सय, नास्ता रु.९ सय, प्रचार प्रसार रु.३५ सय, प्रेस रु.३३ हजार र पत्रपत्रिका रु.४ हजार गरी जम्मा खर्च ५२ हजार ३७५ रहेको आर्थिक समिति संयोजक मैनालीले जानकारी दिए ।
