कनकाई खबर \ सहारा हाफम्याराथनको उपाधि आर्मीका सञ्जय श्रेष्ठ र एपिएफकी पुष्पा भण्डारीले चुमेका छन् ।
झापाको चारपानेस्थित संस्थाको मुख्य कार्यालय परिसरमा एक विशेष समारोहका विच मंगलबार भएको हाफ म्याराथनमा नेपाल आर्मीका श्रेष्ठले निर्धारित दूरी १ घन्टा ६ मिनेट २२ सेकेन्डमा पूरा गर्दै पुरुषतर्फ च्याम्पियन बनेका हुन् /
त्यस्तै, सशस्त्र प्रहरी बल (एपिएफ) नेपालकी भण्डारीले १ घण्टा २१ मिनेट १७ सेकेन्डमा निर्धारित दूरी पार गर्दै महिलातर्फ च्याम्पियन बनिन् । उपाधिसँगै श्रेष्ठ र भण्डारीले समान ५१ हजार नगद, मेडल र प्रमाणपत्र पाए ।त्यस्तै, पुरुषतर्फ केन्यालीधावक सिमिओन किप्लागातोेले १ घन्टा ७मिनेट १७ सेकेन्डको समय निकाल्दै दोस्रो स्थान हाँसिल गरे ।आर्मीका मोहनदेव जोशीले १ घन्टा ७मिनेट २२ सेकेन्डमा दौड पूरा गर्दै तेस्रो स्थान हाँसिल गरे ।
दोस्रो भएकासिमिओनले ३१ हजार, मेडल र प्रमाणपत्र पाएभने तेस्रो भएका जोशीले २१ हजार, मेडल र प्रमाणपत्र प्राप्त गरे ।
महिलातर्फ नेपालप्रहरीकी रेखा बिष्टले निर्धारित दूरी १ घण्टा २४ मिनेट ३४ सेकेन्डमा पूरा गर्दै दोस्रो र नेपालप्रहरीकै सुमित्रा चौधरीले निर्धारित दूरी १ घण्टा २९ मिनेट ३० सिकेन्डमा पूरा गर्दै तेस्रो स्थान हाँसिल गरिन् ।
दोस्रो भएकी बिष्टले ३१ हजार, मेडल र प्रमाणपत्र पाइन् भने तेस्रो भएकी चौधरीले २१ हजार, मेडल र प्रमाणपत्र प्राप्त गरिन् ।
पुरुषतर्फ आर्मीका खड्गबहादुर खड्का चौथो, हरि रिमाल पाँचौँ, देवराज बस्नेत छैटौँ, प्रेमबहादुर बस्नेत, सातौँ भए । पाँचथरका दिपक सुहाङ आठौँ, धरानका प्रशान्त तामाङ नवौँ र आर्मीका जितेन्द्र दनुवार दशौँ भए ।
महिलातर्फ सशस्त्र प्रहरीकी सीमा चौधरी चौथो, ताप्लेजुङकी सम्पालुङ शेर्पा पाँचौँ, धरानकी कल्पना राई छैटौँ, आर्मीकी पनिशा गुरुङ सातौँ, धरानकी जमुना गुरुङ आठौँ, आर्मीकी अनिता रेग्मी नवौँ र आर्मीकै सकुन्तला विक दशौँ भए ।
चौथौदेखि दशौँसम्म हुने पुरुष तथा महिला धावकले सान्त्वना पुरस्कार स्वरुप नगद पाँच हजार र प्रमाणपत्र पाए ।प्रतियोगितामा महिला तथा पुरुष गरी ५३४ जना धावकहरुले सहभागिता जनाएकाथिए ।कार्यक्रममा झापा जिल्ला खेलकुद विकास समितिको समन्वय रहेको समितिका अध्यक्ष भेषराज भण्डारी (प्रशान्त) ले जानकारी दिए ।
यसैबीच, सहारा हाफम्याराथनका अवसरमा अन्तर्राष्ट्रिय झापाली समाजयुएईका अध्यक्ष छत्र सुव्वा, नेपालका कीर्तिमानी धावक ओलम्पियन बैकुण्ठ मानन्धर, ओलम्पियनहरु डम्बरसिंह कुँवर र मेनुका राउत तथा भेट्रान्स धावक बुद्धवीर लामालाई नगदसहित सम्मानगरिएको साकोसका कार्यकारी प्रमुख महेन्द्रकुमार गिरीले जानकारी दिए ।
खेलाडीहरुको हौसला बढाउन उनीहरु चारपाने आएकाथिए । सुव्वालाई नगद २५ हजार, मानन्धरलाईनगद २१ हजार, लामालाई नगद ११ हजार तथाकुँवर र राउतलाई नगद ५ हजार १ सय र सम्मानपत्रले सम्मानगरिएको हो ।
सहारा नेपाल साकोसले आफ्नो २८ औँ स्थापनादिवसको अवसरमा प्रतियोगिता आयोजना गरेको हो । संस्थाका अध्यक्ष हरीवहादुर राजवंशीको सभापतित्वएवं प्रतिनिधि सभा सदस्यइन्दिरा रानामगरको प्रमुखआतिथ्य रहेको कार्यक्रममा संस्थाले स्थापना गरेको मिनि अस्पताल साथै डिपोजिट मेसिनको एकैसाथ उद्घाटन गरिएको छ । त्यस्तै फोटा प्रदर्शनी, अक्षयकोष स्थापनाको सुरुवात, कारागारमा रहेका कैदीबन्दीकालागि आवश्यक सामाग्री हस्तान्तरण लगायतको कार्यक्रम सम्पन्न भएको सहारा साकोसका कार्यकारी प्रमुख गिरीले जानकारी दिए । संस्थाका वरष्ठि उपाध्यक्ष हरीवहादुर निरौलाले स्वागत गरेको कार्यक्रमको संचालन पत्रकार केशव भट्टराईले गरेका थिए ।
