कनकाई खबर \ नेपाल उद्योग वाणिज्य महासंघ कोशी प्रदेशको ५औं साधारण सभा तथा अधिवेशनबाट कनकाई उद्योग वाणिज्य संघका पुर्वअध्यक्ष एवं प्रदेशका निवर्तमान कार्य समिति सदस्य समेत रहेका कुमारमणि पोखरेल उपाध्यक्षमा सर्वसम्मत रुपमा चयन भएका छन् ।
सुरुङ्गा जेसीज, पृथ्वी सहकारी संस्था, नेपाल हृदय रोग निवारण संघ लगायतका महत्वपुर्ण संस्थाहरुको सफल नेतृत्व गरिसकेका पोखरेललाई उपाध्यक्षमा सर्वसम्मत रुपमा चयन गरेको हो । प्रदेश समितिमा झापाबाट पोखरेलसहित कार्यसमितिका अन्य पदाधिकारी तथा सदस्यहरु समेत निर्वाचित भएका छन् ।
प्रदेश समितिमा झापाली व्यवसायीहरुको बलियो उपस्थिती रहेको बताइएको छ । सर्वसम्मत निर्वाचित प्रदेश समितिको बस्तुगत उपाध्यक्षमा कनकाईका एक सफल व्यवसायी पोखरेल निर्वाचित भएका हुन् । त्यसैगरी कार्यसमिति सदस्यमा बिर्तामोड उद्योग बाणिज्य संघका वर्तमान अध्यक्ष प्रकाश शिवाकोटी, मेचीनगर उद्योग वाणिज्य संघका निवर्तमान अध्यक्ष ऋषिराज तिम्सिना र प्लाइउड व्यवसायी संघ झापाका अध्यक्ष दिपक पाण्डे निर्वाचित भएका हुन ।
प्रदेश महासंघको अध्यक्षमा राजेन्द्र राउत सर्वसम्मत रुपमा चयन भएका छन् । विराटनगरका निर्माण व्यवसायी तथा उद्योगी राउत यसअघि एसोसिएट्स उपाध्यक्ष रहेका थिए । त्यस्तै, जिल्ला नगर उपाध्यक्षमा इटहरीका निर्माण व्यवसायी भीमबहादुर पौडेल, एसोसिएट्स तथा वस्तुगत उपाध्यक्षमा कनकाईका व्यवसायी कुमारमणि पोखरेल र कोषाध्यक्षमा व्यवसायी सुवास आचार्य सर्वसम्मत रुपमा चयन भएका हुन ।
जिल्ला नगर सदस्यमा ध्रुवलाल श्रेष्ठ, वीरेन्द्रकुमार शाह, प्रितम खड्गी, प्रकाश सिवाकोटी र ऋषिराज तिम्सिना चयन भएका छन् । वस्तुगत सदस्यमा राजन श्रेष्ठ र दीपक पाण्डे तथा एसोसिएट्स सदस्यमा रविनकुमार दाहाल, भविसकुमार श्रेष्ठ र श्रवणकुमार अग्रवाल चयन भएका छन् । महासङ्घमा ३७ जिल्ला नगर, १३ वस्तुगत र १२७ एसोसिएट्स सदस्य छन् ।
