धार्मिक पर्यटनको सम्भावना बोकेको कनकाईको दुर्गापुर र जामुनखाडीमा एकैसाथ महायज्ञ

कनकाई खबर \ झापाको कनकाईमा एकैसाथ दुई वटा महायज्ञ संचालनमा आएका छन् । धार्मिक पर्यटनको सम्भावना बोकेको कनकाईको दुर्गापुर र जामुनखाडीमा एकैसाथ महायज्ञ संचालनमा आएका हुन् ।
कनकाई–१,स्थित दुर्गापुरमा साथै पुर्वकै प्रसिद्ध पर्यटकीय क्षेत्र जामुनखाडीमा समेत एकै साथ श्रीमद देवीभागवत महापुराण नवाह ज्ञान महायज्ञ सुरु भएको हो ।

दुर्गापुरस्थित श्री नवदुर्गा भगवती (मनसादेवी) मन्दिर परिसरमा एक विशेष समारोहका विच कोशी प्रदेशका उद्योग, कृषि तथा सहकारी मन्त्री भक्तिप्रसाद सिटौलाले महायज्ञको समुद्घाटन गरे । कलश यात्रासहित संचालन भएको महायज्ञ मुल आयोजक समिति संयोजक सरला दहाल पोखरेलको अध्यक्षतामा सम्पन्न भएको हो । कार्यक्रमका प्रमुख अतिथी कोशी प्रदेशका मन्त्री सिटौला, विशिष्ट अतिथी कनकाई नगरपालिकाका प्रमुख राजेन्द्रकुमार पोखरेलसहितले पानसमा दिप प्रज्वलन गरी महायज्ञको समुद्घाटन गरेका थिए ।

महायज्ञको समुद्घाटनसँगै प्रमुख अतिथी मन्त्री सिटौला एवं विशिष्ट अतिथी नगर प्रमुख पोखरेलले पवित्र उद्येश्य राखेर संचालन भएका जुनसुकै कार्यबाट सफलता प्राप्त हुनेमा आफूहरु विश्वस्त रहेको बताए । स्थानीय क्षेत्रका अग्रजहरुबाट बिजारोपण भएको पवित्र भुमि आँफैमा ऐतिहासिक भएको भन्दै महायज्ञ संचालनको उद्येश्य प्राप्तीमा सधैं सकारात्मक सहयोग हुने भन्दै मन्त्री सिटौला साथै स्थानीय सरकार प्रमुख पोखरेलले महायज्ञ पुर्ण सफलताको कामना गरे । नर्वदेश्वर शिवालय मन्दिर व्यवस्थापन समिति अध्यक्ष सुलोचना ओलीले समेत शुभकामना मन्तव्य राखेको उद्घाटन समारोहमा मूल आयोजक समितिका सह–संयोजक शम्भुप्रसाद पोखरेलले शाव्दीक स्वागत गरेका थिए । पं.सुवास ढकाल र पं.वुद्धिसागर खनालबाट स्वस्ती वाचन भएको कार्यक्रममा भीमा कोइराला र पवित्रा अधिकारीले इशा प्रार्थना गरेका थिए भने औपचारिक कार्यक्रमको संचालन आयोजक समितिका सचिव रामप्रसाद निरौलाले गरेका थिए ।

चैत्र १६ गते समापन हुने महायज्ञ सामुदायिक भवन निर्माण र अक्षयकोष वृद्धि गर्ने उद्देश्यका साथ संचालन गरिएको नवदुर्गा भगवती (मनसादेवी) मन्दिर व्यवस्थापन समितिका अध्यक्ष दुर्गाप्रसाद निरौलाले जानकरी दिए । महायज्ञ संचालनको उद्येश्यमाथि प्रकाश पार्दै अध्यक्ष निरौलाले ८८ लाखको लागतमा सामुदायिक भवन बनाउने योजना अघि सारेको बताए ।

यता पुर्वकै प्रसिद्ध पर्यटकीय क्षेत्र कनकाई –२÷१ स्थित जामुनखाडी सिमसार क्षेत्रमा समेत श्रीमद देवीभागवत नवाह ज्ञान महायज्ञ संचालन भएको छ । श्री पञ्चकन्या पाथिभरा देवी मन्दिरको वार्षिकउत्सव समेतको अवसर पारेर एक विशेष समारोहका विच आज चैत्र ८ गते सुरु भइ १६ गते समापन हुने महायज्ञ धार्मिक पर्यटन प्रवद्र्धन गर्ने उद्येश्यका साथ संचालन भएको मूल आयोजक समितिका संयोजक वुद्धिमान बोहोराले बताए । एक वर्ष अघि मात्र दमक निवासी राजेन्द्रकुमार विष्टले जामुनबारी सामुदायिक वन क्षेत्रको १० कठ्ठा जमिनमा पाथिभरा देवीको मन्दिर स्थापना गरेर महायज्ञ लगाएका थिए । त्यसकै निरन्तरता स्वरुप यस वर्ष पनि वार्षिक उत्सवको अवसर पारेर महायज्ञ आयोजना गरिएको बताइएको छ ।

दाता परिवार राजेन्द्रकुमार विष्ट र युवकला विष्टले निर्माण गराएको पाथिभरा देवीको मन्दिर रहेको महायज्ञ परिसरबाट आज विहान ८ः३० बजेको समयमा कलश यात्रा सुरु भइ १०ः३० बजे एक विशेष समारोहका विच महायज्ञ समुद्घाटन भएको आयोजक समितिका संचार सयोजक मन नेम्वाङले जानकारी दिए । झापामै पहिलो पटक सामुदायिक वनले सञ्चालनमा ल्याएको महायज्ञ जामुनवारी सामुदायिक वन संरक्षक रहेर श्री पञ्चकन्या पाथिभरा देवी मन्दिर समितिले आयोजना सुरु गरेको पुराण मुल आयोजक समितिका संयोजक बोहोराले जानकारी दिए ।