कनकाई खबर \ झापाको कनकाई–१,स्थित दुर्गापुर बजारको इतिहाससँग जोडिएको श्री नवदुर्गा भगवती (मनसादेवी) मन्दिर परिसरमा आजदेखी महायज्ञ संचालन हुने भएको छ ।
मन्दिर परिसरबाट आज विहान ९ः३० बजेको समयमा कलश यात्रा सुरु भइ ११ः३० बजे एक विशेष समारोहका विच महायज्ञ समुद्घाटन हुने भएको छ । महायज्ञको कोशी प्रदेशका उद्योग, कृषि, सहकारी तथा गरिवी निवारण मन्त्री भक्तिप्रसाद सिटौलाले समुद्घाटन गर्ने कार्यक्रम तय भएको मुल आयोजक समिति संयोजक सरला दहाल पोखरेलले जानकारी दिएकी छन् ।
आज चैत ८ मा समुद्घाटन भइ १६ गते समापन हुने महायज्ञ सामुदायिक भवन निर्माण र अक्षयकोष वृद्धि गर्ने उद्देश्यका साथ नौ दिवसीय श्रीमद देवीभागवत महापुराण नवाह ज्ञान महायज्ञ संचालन गरिएको नवदुर्गा भगवती (मनसादेवी) मन्दिर व्यवस्थापन समितिका अध्यक्ष दुर्गाप्रसाद निरौलाले जानकरी दिएका छन् । आज हुने कलश यात्रासहित समुद्घाटन विशेष समारोहलाई भव्य रुपमा सम्पन्न गर्न विभिन्न जिम्मेवारीमा रहनु हुने साथै अन्य सरोकारवाला सबैमा आवश्यक्ता हेरेर सहयोग गरिदिन मूल आयोजक समिति संयोजक पोखरेलले सबैमा अपिल गरेकी छन् ।
