कनकाई खबर \ झापाको कनकाई बहुमुखी क्याम्पस सुरुङ्गामा आइतबार भएको स्ववियु निर्वाचनमा अनेरास्ववियु तर्फका विद्यार्थी चेतन आचार्य सभापतिमा निर्वाचित भएका छन् ।
वर्तमान सत्ता साझेदार पार्टीको गठबन्धनमा रहेका भातृ संगठनलाई पछि पार्दै नेकपा एमाले तर्फको भातृ संगठन अनेरास्ववियु तर्फका विद्यार्थी आचार्य निर्वाचित भएका हुन् ।
आचार्यले ४१४ मत प्राप्त गरी विजयी बनेका हुन । आचार्यसँगै कोषाध्यक्षसहित ८ जना अनेरास्ववियुका तर्फबाट निर्वाचित भएका छन् भने सचिव र एक सदस्यमा नेवि संघ निर्वाचित भएको छ । नेवि संघका तर्फबाट सचिवमा निर्वाचित भएका वासुदेव निरौलाले ३६२ मत प्राप्त गरे ।
त्यस्तै कोषाध्यक्षमा निर्वाचित भएकी अनेरास्ववियुकी प्रिया पुरीले ३५८ मत प्राप्त गरिन् । सदस्यहरुमा निर्वाचित क्रमशः मीना ढुङ्गेलले ३९४, रोहन कोइरालाले ३७५, जेमर अलीले ३६६, मदन उप्रेतीले ३६२, प्रविन राई (नेविसंघ)ले ३५९, प्रकाश गौतमले ३५९ र मनिस हिङमाङ दर्जीले ३४७ मत प्राप्त गरी विजयी बनेको निर्वाचन आयुक्त सेरबहादुर बानियाँले जानकारी दिए । कनकाई बहुमुखी क्याम्पस सुरुङ्गामा १ हजार ३ सय ७१ मतदाता रहेको भएपनि ८३२ मत खसेको बताइएको छ ।
