कनकाई खबर \ ११३ औं अन्तर्राष्ट्रिय महिला दिवसको अवसरमा नेपाल महिला संघ कनकाई नगर समितिले पार्टीप्रति योगदान पुर्याउँने १० महिलालाई सम्मान गरेको छ ।
नेपाली काँग्रेसको भातृ संगठनका रुपमा रहेको महिला संघ कनकाईले पारिवारिक तथा व्यक्तिगत योगदानका आधारमा कनकाईका ९ वटै वडाबाट १ \ १ जना र थप जेष्ठ नागरिकका तर्फवाट १ गरी जम्मा १० जना महिलालाई सम्मान गरेको हो ।
विश्वव्यापी रुपमा मार्च ८ तारिकका दिन मनाइँदै आएको यो दिवसलाई नेपाली काँग्रेस पार्टीले नियमित रुपमा विभिन्न कार्यक्रमका विच मनाउँदै आएको बताइएको छ । नेपाल महिला संघ कनकाई नगर समितिको आयोजना तथा क्षेत्रीय समिति क्षेत्र नं.–४ झापाको समन्वयमा सम्पन्न कार्यक्रम नेपाली काँग्रेस नगर पार्टी कार्यालय सुरुङ्गामा भएको हो ।
नेपाल महिला संघ कनकाई नगर सभापती रेणुका मैनालीको सभापतित्वमा सम्पन्न कार्यक्रममा काँग्रेस केन्द्रिय सदस्य तथा महिला संघ जिल्ला सभपती शुसिला ढकालको प्रमुख आतिथ्य रहेको थियो । कार्यक्रमलाई सम्वोधन गर्दै प्रमुख अतिथि ढकालले महिलाहरु सदैव एकजुट भएर अगाडी बढ्नु पर्ने र अधिकार खोजेर मात्र होइन लडेर लिन सक्नु पर्नेमा जोड दिएकी छन् । समितिका उपाध्यक्ष कविता श्रेष्ठले स्वागत गरेको कार्यक्रममा क्षेत्रीय सभापती कविता बस्नेत, सामाजसेवी निर्मला बस्नेत, नगर सचिव रेणुप्रसाद कडेल लगायतले शुभकामना मन्तव्य राखेका थिए ।
नेपाली काँग्रेस कनकाईको वडा नं.–३ का सचिव गणेश पोखरेल र क्षेत्र नं.–२ महिला संघ क्षेत्रीय सचिव यसोदा उप्रेतीले कविता सुनाएर कार्यक्रमलाई अझ रोचक वनाएका थिए । प्रमुख अतिथि ढकालले नेपाल महिला संघका संस्थापक मंगला सिंहको तस्विरमा माल्यार्पण सहित समुद्घाटन गरेको कार्यक्रमको सञ्चालन महिला संघ नगर सचिव संगिता भुजेलले गरेकी थिइन् ।
