बिर्तामोड \ झापाको विर्तामोडस्थित मुक्तिचोकमा आत्मदहको प्रयास गर्ने विर्तामोड ७ निवासी ३४ वर्षीय विजय चौधरी खतरा मुक्त रहेको बताइएको छ ।
हाल बिएण्डसी अस्पतालको सघन उपचार कक्ष (आइसियु) मा राखेर उपचार भइरहेको भए पनि उनको अवस्था भने खतरा मुक्त रहेको अस्पताल स्रोतले जनाएको छ । चौधरीले आज ४ः३० बजे विर्तामोडस्थित मुक्तिचोकमा आत्मदहको प्रयास गरेका थिए । उनलाई पैदलयात्रीहरुले तत्कालै बचाएका थिए । बिर्तामोडका डिएसपी सुरज कार्की भन्छन्, ‘आगलागी हुनासाथ बाटो हिड्ने मान्छेले देखेर तत्कालै आगो निभाएछन् । नजिकका प्रहरीहरु नपुग्दै आगो निभेको थियो ।’
विएण्डसीका पूर्व सवारी चालक समेत रहेका चौधरीले आफ्नो पाखुरामा बिएण्डसी अस्पतालका सञ्चालक दुर्गा प्रसाईको टाटु बनाएका छन् । घटनाबारे थप अनुसन्धान भइरहेको प्रहरीले जनाएको छ ।
कमेन्टस्
