कनकाई खबर \ त्रिदेव बहुमुखी क्याम्पस चारआलीको प्राध्यापक संघ इकाई समितिको सभापतिमा सावित्रा दाहाल भट्टराई निर्विरोध निर्वाचित भएकी छन् ।
त्रिदेव बहुमुखी क्याम्पसको सभा हलमा भएको प्राध्यापकहरुको एक भेलाले दहालको नेतृत्वमा इकाई समिति चयन गरेको हो । समितिको सचिवमा विवेक उप्रेती, कोषाध्यक्षमा केशव भुर्तेल र सदस्यमा तारा सेडाई, रोहित बरा, रुपा पौडेल र इन्द्र उपाध्याय सर्वसम्मत चयन भएका छन् ।
नारी सञ्चार गृह झापाकी संस्थापक अध्यक्ष, प्रेस चौतारी नेपालकी केन्द्रीय विभागीय सदस्य साथै कनकाई सुरुङ्गा प्रेस क्लवकी उपाध्यक्ष सहितको जिम्मेवारी सम्हाल्दै आएकी दहाल अन्य विभिन्न सामाजिक, धार्मिक, शैक्षिक साथै वित्तिय संघसंस्थामा समेत क्रियाशिल रहँदै आएकी छन् । त्रिदेव बहुमुखी क्याम्पसमा लामो समयदेखि प्राध्यापन गर्दै आएकी दाहालको नेतृत्व सम्पूर्ण प्राध्यापक साथै क्याम्पसको शैक्षिक गुणस्तर वृद्धिमा थप सफलता प्राप्त होस् भन्ने कामना गर्दै कनकाई सुरुङ्गा प्रेस क्लवका तर्फबाट कार्यकाल पूर्ण सफलताको हार्दिक शुभकामना व्यक्त गरिएको छ ।
