कनकाई खबर / झापाको कनकाई नगरपालिकामा पालिका स्तरीय १३ औं राष्ट्रपती रनिङशिल्ड छनौट खेलकुद प्रतियोगिता हुने भएको छ ।
कन्काई नगर खेलकुद विकास समिती र कनकाई शिक्षा शाखाको आयोजनामा राष्ट्रपती रनिङशिल्ड खेलकुद प्रतियोगिता २०७९ को कन्काई नगरको छनोट प्रतियोगिता यही माघ २३ देखि माघ २६ गते सम्म सन्चालन गरिने कनकाई नगर खेलकुद विकास समितीका अध्यक्ष जविन तिम्सिनाले जानकारी गराएका छन ।
कबडी , एथलेटिक्स , भलिवल , टेवल टेनिस र मार्सल आर्ट विधामा हुने प्रतियोगिता सम्पन्न गर्न विभिन्न बिधागत उपसमिति समेत बनाईएको कनकाई नगर खेलकुद विकास समितिका सदस्य गोविन्द उप्रेतीले जानकारी गराएका छन । जस अन्तर एथलेटिक्सको संयोजनमा लोक प्रसाद ओली , भलिवलको संयोजनमा राजु पाठक , मार्शल अार्टको संयोजनमा राम पाठक , कवड्डीको संयोजकमा खेमराज भट्टराई र टेवल टेनिसको संयोजनमा लिला कटुवालको जिम्मेवारी रहेको छ । यसै बिच प्रतियोगितामा नगरभरिका सामुदायिक र संस्थागत बिद्यालयलाई सहभागीता जनाउन पनि आयोजकले अनुरोध गरेको छ ।
कनकाई नगरभरिका सामुदायिक र संस्थागत बिद्यालयबाट सहभागीता रहने उक्त प्रतियोगिता कनकाई माविको खेलमैदान , कनकाई ४ ईलुवाबारी बुद्ध चोकमा रहेको नयाँ खेलमैदान र कनकाई ३ मा रहेको ग्लोबल एडुकेयर एकाडेमीको खेलमैदानमा सञ्चालन गरिने र उक्त प्रतियोगिता माघ २३ गते कनकाई माविको खेलमैदानमा एक कार्यक्रम गरि उद्घाटन गरिने पनि अध्यक्ष तिम्सिनाले जानकारी गराएका छन ।
प्रतियोगितामा छनौट भएका खेलाडीलाई फागुन ९ देखि ११ गतेसम्म सञ्चालन हुने जिल्ला स्तरिय राष्ट्रपती रनिङशिल्ड छनौट खेलकुद प्रतियोगितामा सहभागी गराईने छ भने उक्त जिल्लास्तरीय प्रतियोगिता कनकाई नगर खेलकुद समितिको विषेश पहलमा कनकाईमै आयोजना गरिने सहमति भएको अध्यक्ष तिम्सिनाले वताएका छन ।
