कनकाई खबर \ झापा जिल्ला कारागार चन्द्रगडीमा रहेका कैदीबन्दीलाई कनकाई नगर खेलकुद विकास समितीले केही खेल सामाग्री बितरण गरेको छ ।
कारागारमै गएर समितिले एक संक्षिप्त कार्यक्रमका विच खेल सामाग्री वितरण गरेको हो । झापा जिल्ला कारागारका लयप्रसाद सिवाकोटीको अध्यक्षता एवं कनकाई नगरपालिकाका प्रमुख राजेन्द्रकुमार पोखरेलको प्रमुख आतिथ्य रहेको सामाग्री वितरण कार्यक्रममा समितिका निवर्तमान संयोजक रबिन्द्र लम्सालसहितको आतिथ्यता रहेको थियो ।
नगर खेलकुद विकास समितिका संयोजक जविन तिम्सिनाले खेल सामाग्री वितरणको औचित्यमाथि प्रकाश पारेका थिए । कारागारमा कैदी जीवन बिताई रहेका कैदीबन्दीलाई खेलकुदको माध्यमबाट शारीरिक रुपमा स्वस्थ बन्न सकुन भन्ने उद्देश्यले कनकाई नगर खेलकुद विकास समितिले ३० हजार मूल्य बराबरको खेलकुद सामाग्री वितरण गरेको संयोजक तिम्सिनाले जानकारी दिए ।
विभिन्न समस्याका कारण कैदी जीवन बिताउँन बाध्य भएका कैदी बन्दीको खेलको माध्यमबाट तनावमुक्त जीवन जीउन सहज हुने विश्वासका साथ खेल सामाग्री लिएर नगर प्रमुखसहित कनकाई नगर समिति परिवार कारागारमै गएको संयोजक तिम्सिनाले बताए । कार्यक्रममा सदस्यहरु राजु पाठक, यदुका उप्रेती (उषा), तुला बि.क.(वकिल), राम पाठक, विजय पाठक, गंगाराम अधिकारी, दिलकुमार कार्की लगायतको उपस्थिती रहेको बताइएको छ ।
