कनकाई खबर \ झापा क्षेत्र नं.४(२) का प्रदेश सभा सदस्य भक्तिप्रसाद सिटौलाले सहकारी संस्थाहरुले आफ्ना सदस्यहरुलाई उद्यमशिल बनाउँदै आत्म निर्भर बन्न प्रेरित गर्नु पर्ने तर्फ जोड दिएका छन् ।
कनकाई–३स्थित सुरुङ्गामा रहेको दोमुखा बहुउद्येश्यीय सहकारी संस्थाको २३ औ वार्षिक साधारणसभाको अवसरमा प्रदेस सभा सदस्य सिटौलाले देशमा भएको आर्थिक मन्दिका कारण वित्तिय संस्थाहरुबाट कृषकले लिएको कर्जा तिर्न नसक्ने अवस्थालाई मध्यनजर गर्दै हरेक वित्तिय संस्थाहरुले आफ्ना सदस्यलाई उद्यमशिल बन्ने वातावरण बनाउँन अनुरोध गरेका हुन् ।
साधारण सभाकै अवसरमा संस्थाले २ जना कर्मचारीसहित ८ जनालाई सम्मान गरेको छ । यसरी सम्मानित हुनेहरुमा संस्थाका जेष्ठ सदस्यका रुपमा पुरुष तर्फ देवीप्रसाद कडरिया र महिला तर्फ भवानी दाहाल रहेका छन् । संस्थाको उत्कृष्ट बचत कर्ताका रुपमा सन्तोश थपलिया र देविमाया तिम्सिना, त्यस्तै उत्कृष्ट ऋणीका रुपमा इन्द्रविलास गौतम र कृष्णकुमारी आचार्य रहेका छन् । त्यस्तै उत्कृष्ट कर्मचारीका रुपमा सन्ध्या श्रेष्ठ(लेखापाल) र बजार प्रतिनिधि राधिका कार्की चुडाललाई सम्मान गरिएको छ ।
सम्मानित सबैलाई कार्यक्रमका प्रमुख अतिथी एवं झापा क्षेत्र नं.४(२) का प्रदेश सभा सदस्य सिटौला, झापा जिल्ला सहकारी संघकी उपाध्यक्ष चम्पा खनाल सुवेदी, दोमुखा सहकारीका अध्यक्ष भरतकुमार थपलिया लगायतले दोसल्ला ओढाएर नगदसहित सम्मान पत्रका साथ सम्मान गरेका थिए । कनकाई उद्योग वाणिज्य संघको सभाहलमा भएको कार्यक्रममा प्रमुख अतिथिका रुपमा रहेका प्रदेश सभा सदस्य सिटौलाले सहकारीले अझैपनि जनताको सारथी बन्न नसकेको र संस्थागत रुपमै गरिवमाथि शोषण गरिरहेको बताए । गरिबी निवारणका लगि आफ्नो तर्फबाट निति निर्माण र सहुलियतका लागि आफु लागिपर्ने समेत सिटौलाले बताए ।
कार्यक्रममा संस्थाका अध्यक्ष भरतकुमार थपलियाले बार्षिक प्रतिवेदन प्रस्तुत गर्दै संस्थाले आफ्ना शेयर सदस्यहरुलाई बिरामी पर्दा विभिन्न अस्पतालसँग समन्वय गरि औषधि उपचारको प्रबन्ध मिलाउने लगायतका प्रगति प्रतिवेदन प्रस्तुत गरे । साथै संस्थाको शेयर सदस्य सङख्या हाल २ हजार ९१६ रहेकोमा यस आर्थिक बर्षमा ३ हजार ५ सय बनाइने समेत घोषणा गरे ।
कार्यक्रमको संचालन सचिव छवि थपलियाले गरेका थिए भने स्वागत उपाध्यक्ष रोमादेवि खतिवडाले गरेकी थिइन् । कनकाई नगरपालिका ३ का वडाअध्यक्ष युवराज चम्लागाई, कनकाई नगरपालिकाका सहकारी विभाग प्रमुख हरिप्रसाद पौडयाल, भीमसेन बचत तथा ऋण सहकारी संस्थाका अध्यक्ष नरेन्द्रकुमार श्रेष्ठ लगायतले शुभकामना मन्तव्य राखेका थिए ।
