कनकाई खबर \ युटर्न इन्टरनेशनल प्रालिले झापाको सुरुङ्गामा आफ्नो सेवा विस्तार गरेको छ ।
विहिबार एक संक्षिप्त कार्यक्रमका विच कनकाई नगरपालिकाका प्रमुख राजेन्द्रकुमार पोखरेलले रिबन काटेर सुरुङ्गा बिक्री कक्षको सुभारम्भ गरे । सोही अवसरमा नगर प्रमुख पोखरेलले युटर्न इन्टरनेशनल प्रालि सुरुङ्गा बिक्री कक्षको सफलताको शुभकामना दिंदै मानिसको व्यक्तिगत स्वास्थ्य, आर्थिक समृद्धि साथै सामाजिक रुपान्तरण नै आजको पहिलो आवश्यक्ता रहेको बताए । यस आवश्यक्तालाई युटर्न इन्टरनेशनले पूरा गर्न सकोस भन्ने कामना गर्दै नगर प्रमुख पोखरेलले जनताको स्वास्थ्य र आर्थिक समृद्धिका लागि सबै नागरिकको समान सहभागिता हुनुपर्नेमा जोड दिए ।
नेपाली जडीवुटी र मौरीजन्य बस्तुहरुको मिश्रणबाट उत्पादन भएका पौष्टिक आहार साथै हिमाली जडीबुटी मिश्रित श्रृङ्गार सामाग्रीको नेपालमै उत्पादन गरी आन्तरिक एवं विश्व वजारमा लैजाने उद्येश्यका साथ युटर्नले आफ्नो सेवा विस्तर गरेको जनाइएको छ । सामाखुसी काठमाण्डौमा केन्द्रिय कार्यालय रहेको यस प्रा.लि.ले देशका प्रमुख शहरहरु साथै स्थानीय तहहरुमा समेत सेवा विस्तार गर्दै लगेको युटर्नका मेची अञ्चल प्रमुख रोम घिमिरेले जानकारी दिए । युटर्नका उत्पादनले मानव जातिलाई स्वस्थ, सम्पन्न, खुशी र सकारात्मक जीवन जीउन प्रेरित गर्ने भएकाले छोटो समयमै यसको प्रयोग बढी हुन थालेको मेची प्रमुख घिमिरेले बताए ।
युटर्नको सुरुङ्गा बिक्री कक्षका संचालक अनुप भण्डारीको अध्यक्षतामा भएको सुभारम्भ कार्यक्रममा कनकाई–३ का वडाअध्यक्ष युवराज चम्लागाई, युटर्नका डाइरेक्टर अर्जुन गिरी, कनकाई नगरपालिका कार्यपालिका सदस्य कृष्णमाया भुजेल, रोयल्टी होल्डर जीवनकुमार वुढाथोकी लगायतले शुभकामना मन्तव्य राखेका थिए । कार्यक्रममा कनकाई–३ का वडासदस्य गोविन्द सुवेदी र अनिल गोयलसहित युटर्नका प्रयोगकर्ताहरुको उपस्थिति रहेको थियो
