कनकाई खबर \ सुरुङ्गाका पूराना कपडा व्यावसायीका रुपमा स्थापित अग्रवाल परिवारमा शोक परेको छ ।
कनकाई ३ स्थित सुरुङ्गाका युवा व्यावसायी दिनेश अग्रवालको आज आइतवार विहान उपचारका क्रममा निधन भएको छ । ४० बर्षिय दिनेश अग्रवाल (कालु)को आज विहान उपचारका क्रममा विर्तासिटी अस्पतालमा निधन भएको हो ।
अग्रवाल सुरुङ्गामा लामो समयदेखि सुरुङ्गा हाट लगायत झापाका विभिन्न हटियामा थान कपडा तथा केहि बर्षदेखि आफ्नै घर सुरुङ्गास्थित झापा रोडमा थान कपडाको पसल गर्दै आएका थिए ।
उनका दुई दाजुहरु रोशन अग्रवाल र लीलु अग्रवाल समेत सुरुङ्गाका स्थापित व्यावसायी हुन । दिनेश कान्छा भाइ हुन ।
उनीहरुकी एक दिदी भारतको सिलगुडीमा रहेकी छन् । स्व. अग्रवालको आजै ११ बजे कनकाई माइमा अन्तिम संस्कार गरिने पारिवारीक स्रोतले जनाएको छ ।
स्व. अग्रवाल लामो समयदेखि जन्डिस लगायतका पेट सम्बन्धि रोगले थलिएका थिए । नेपाल तथा भारतका विभिन्न अस्पतालमा उपचार भइरहेको भएपनि बचाउँन नसकिएको उनका दाजु लिलु अग्रवालले वताए ।
