सुरुङ्गा / कनकाई नगर क्षेत्रमा योगअभ्यासलाई निरन्तरता दिँदै मानव स्वास्थ्यसँग सम्वन्धित गतिविधि संचालन गर्नका लागि नगरस्तरीय पतञ्जली योग समिति गठन गरिएको छ ।
कनकाई नगरपालिकाका प्रमुख राजेन्द्रकुमार पोखरेल, पतञ्जली योगसमिति झापाका अध्यक्ष देवीचरण घिमिरे, झापाका सहसचिव रुद्र ओली लगायतको उपस्थितीमा योग शिक्षक टिकाप्रसाद कट्टेलको अध्यक्षतामा गठन भएको नगर समितिलाई जिम्मेवारीका साथ पूर्णता दिइएको छ । योग समितिको विधान अनुसार गठन भएको १५ सदस्यीय नगरसमितिको महासचिवमा रामप्रसाद निरौला, सचिवमा लक्ष्मीप्रसाद ढुङ्गाना, कोषाध्यक्षमा गोमादेवी निरौला ढुङ्गेल रहेका छन् भने सदस्यहरुमा क्रमशः प्रेम राजवंशी,घनश्याम मैनाली, पुण्यप्रसाद ओझा, सीता वस्नेत, तारा न्यौपाने उप्रेती, शुसिलकुमार श्रेष्ठ, बर्मालाल उप्रेती, नेत्रप्रसाद भट्टराई, रमेशकुमार वारकोटी र नरमाया भेट्वाल रहेका छन् ।
समितीको आगामी वैठकले थप एकजना सदस्य मनोनीत गर्ने जनाइएको छ । स्थानीय योग अभियन्ताहरु ज्योतीकुमार उप्रेती र कवि प्रसाईलाई समितिको सल्लाहकारका रुपमा चयन गरीएको वताइएको छ । नगरस्तरीय योग समितिले प्रारम्भिक चरणदेखी नै योगअभ्यासलाई निरन्तरता दिन थालेको वताइएको छ ।
कनकाई नगरका नौवटै वडामा योग समिति निर्माण गरी योगअभ्यासलाई निरन्तरता दिँदै जाने उद्येश्यका साथ वडास्तरीय योगसमिति गठन गरेर योगअभ्यासलाई अभियानका रुपमा अघि बढाउँने समितिका अध्यक्ष टिकाप्रसाद कट्टेलले वताएका छन् । नगर समितिले वडा नं. ८ मा वडास्तरीय समिति गठन गरी लक्ष्मीपुरमा दैनिक योगअभ्यास संचालन गरिरहेको जनाएको छ ।
लक्ष्मीनारायण मन्दिरको सामुदायिक भवनमा संचालित योगअभ्यासमा योगसमितिका जिल्ला सहसचिव रुद्र ओलीले सहजीकरण गरिरहेका छन् । नगरसमितिले यस अघि पाँचौं राष्ट्रिय योग दिवसको कार्यक्रम समेत सम्पन्न गरिसकेको समितिका नगर सचिव लक्ष्मीप्रसाद ढुङ्गानाले जनाएका छन् ।
