सुरुङ्गा \ पछिल्लो समयमा जन्मदिन मनाउँने शैलीमा एकाएक परिवर्तन आउँन थालेको अनुभव गरीएको छ । वाल तथा वृद्धाआश्रममा सहयोग, असक्त अपाङ्गहरुप्रतिको सम्मान नै समाजका वालवालिकादेखी युवायुवती साथै जेष्ठ नागरीक सवै उमेरका मानिसहरुको रोजाई बन्दै गएको छ ।
यसै क्रममा कनकाई नगरपालिका ९ घैलाडुवा निवासी सामाजिक व्यक्तित्व स्व.गंगाप्रसाद प्रसाईँ (भान्जावावु) की श्रीमति ९० वर्षिया विष्णुमाया प्रसाईंले आफ्नो इच्छा अनुसार जन्मदिनमा शिवसतासी १० माईधाम स्थित श्री लक्ष्मीनारायण मन्दिरमा रहेका वृद्ध मातापिता साथै वालवालिकाहरुसँग आफ्नो जन्मोत्सव मनाएकी छन् । विष्णुमायाको इच्छा पुरा गरिदिनका लागि परिवारजनका तर्फवाट आवश्यक सामाग्रीको व्यवस्थापन गरिएको थियो ।
आवश्यक सामाग्रीका साथमा वुहारी लिला प्रसाई, जेठी छोरी तुलसा काफ्ले, माइली छोरी निरा ओली, कान्छी छोरी पुष्पा लामीछाने, नातिनी र ज्वाइँ सुजन काफ्ले निरौला र धिरेन निरौला, नाती सुमन र नातिने वुहारी नमिता काफ्ले, नातिनी निलु र ज्वाइँ नरपति पाण्डे, पनाती रजत मुन्धडा, पनातिनी कृतिका र ज्वाइँ प्रमोद सेड्याईँ, पनातीहरु कृष र आर्यन काफ्ले, अभिनभ निरौला लगायतका परिवारजनहरुको लक्ष्मीनारायण मन्दिर परिसरमा सहभागिता रहेको थियो ।
लक्ष्मीनारायण मन्दिर आध्यजगत गुरु कमलनयनाचार्य आश्रममा रहेका २२ जना जेष्ठ माता, १५ जना जेष्ठ पिता र १० जना आश्रममा रहेका विद्यार्थीहरुलाई दोसल्ला ओढाएर खाद्यसामाग्रीका साथमा विद्यार्थीहरुका लागि शैक्षिक सामाग्रीका रुपमा कापी र कलम समेत वितरण गरिएको वताइएको छ ।
विष्णुमायाकी जेठी वुहारी लिला प्रसाईको अध्यक्षता एवम् लक्ष्मीनारायण मन्दिरका महन्त स्वामी केशवाचार्यको प्रमुखआतिथ्य रहेको सामाग्री वितरण कार्यक्रममा मन्दिरका उत्तराधिकारी स्वामी भागवताचार्य, पुजारी दामोदर सुवेदी, पत्रकार रामप्रसाद निरौला लगायतले विष्णुमाया साथै स्व.गंगाप्रसाद प्रसाईले सामाजिक क्षेत्रमा पुर्याएको योगदानको चर्चा गरेका थिए । कार्यक्रमको संचालन प्रसाईकी नातिनी सुजन काफ्ले निरौलाले गरेकी थिइन् ।
