सुरुङ्गा \ कनकाई उद्योग वाणिज्य संघको दोस्रो पद हस्तान्तरण एवम् सफद ग्रहण कार्यक्रम विहिवार सम्पन्न भएको छ ।
वाणिज्य संघको गत पौष १२ गते सम्पन्न भएको निर्वाचनवाट आगामी तीन वर्षे कार्यकालका लागि निर्वाचित संघको कार्यसमितिका अध्यक्ष त्रिलोचन चिमरीयालाई निर्वाचन समितिका संयोजक प्रेम चुडालले सपथ ग्रहण गराएका थिए ।
त्यस्तै नवनिर्वाचित अध्यक्ष चिमरीयाले वरिष्ठ उपाध्यक्ष लगायत अन्य पदाधिकारी तथा सदस्यहरुलाई सपथ गराएका थिए । अध्यक्ष चिमरीयावाट सपथ खानेहरुमा क्रमशः वरिष्ठ उपाध्यक्ष सोमनाथ उप्रेती , वाणिज्य उपाध्यक्ष अर्जुन वोहोरा, उद्योग उपाध्यक्ष पुण्यप्रसाद सिटौला , महासचिव तुलसी विमली, वाणिज्य सचिव डम्वरप्रसाद प्रसाई(प्रकाश) , उद्योग सचिव राजकुमार शाह, कोषाध्यक्ष भरतकुमार अधिकारी साथै सदस्यहरु क्रमशः सन्तोष प्रसाईँ ,भरत सापकोटा , गंगाराम गजुरेल(सञ्जय), झलक सिटौला, माधव पोखरेल , दिपक खतिवडा रहेका छन् भने महिला सदस्यमा भुमा गौतम, शान्तादेवी अधिकारी र तारामाया राई रहेका छन् । विजेता सवैलाई निर्वाचन समितिका तर्फवाट प्रमाण पत्र वितरण गरिएको निर्वाचन समितिका सदस्य ज्योती उप्रेतीले वताएका छन् ।
संघका अध्यक्ष कुमारमणि पोखरेलको सभापतित्व एवम् नेपाल उद्योग वाणिज्य महासंघ प्रदेश नं. १ का अध्यक्ष नरेन्द्र खड्काको प्रमुख आतिथ्य रहेको कार्यक्रमलाई सम्वोधन गर्दै सहभागीहरुले प्रजातान्त्रीक प्रक्रियावाट सम्पन्न भएको निर्वाचनमा संघको स्वस्थ प्रतिस्पर्धालाई सकारात्मक रुपमा लिँदै आगामी दिनमा एकताका साथ वर्तमान नेतृत्वले सम्पूर्ण व्यवसायीहरुको हितमा लाग्नु पर्ने तर्फ जोड दिएका छन् । संघको नवनिर्वाचित नेतृत्वले निर्वाचनका समयमा राखेका प्रतिवद्घताहरुलाई कार्यन्वयन तर्फ लाग्नुपर्नेमा जोड दिँदै व्यवसायीहरु विचमा करका विषयमा देखिएको अन्यौलताका वारेमा गम्भीर हुन नेतृत्वलाई सहभागीहरुले सुझाव दिएका छन् ।
संघका निवर्तमान उपाध्यक्ष कृष्ण चुडालले स्वागत गरेको कार्यक्रममा नवनिर्वाचित अध्यक्ष चिमरीयाले संघका तर्फवाट प्रतिवद्घता मन्तव्य राखेका थिए । कनकाई नगरपालिकाका प्रमुख राजेन्द्रकुमार पोखरेल, नेपाल चेम्वर अफ कमर्श प्रदेश नं.१ का अध्यक्ष राजेन्द्र घिमिरे, संघका संस्थापक अध्यक्ष युवराज संग्रौला, नेपाली कांग्रेसका नेता देउकुमार थेवे, झापा उद्योग संघ भद्रपुरका अध्यक्ष टिकाराज ढकाल, मेची उद्योग वाणिज्य संघका नवनिर्वाचित अध्यक्ष ऋषी तिम्सिना, समाजसेवी भीमप्रसाद अधिकारी, उर्लावारी उद्योग वाणिज्य संघका अध्यक्ष प्रीतम खड्की, लक्ष्मीपुर वजार व्यवस्थापन समितिका अध्यक्ष नेत्र नेपाल, कनकाई सुरुङ्गा प्रेस क्लवका संस्थापक अध्यक्ष तीर्थराज खरेल लगायतले मन्तव्य राखेका थिए । औपचारीक कार्यक्रमको संचालन संघका निवर्तमान महासचिव सोमनाथ उप्रेतीले गरेका थिए भने सपथ ग्रहण कार्यक्रमको संचालन निर्वाचन समितिका सदस्य लिलाप्रसाद भेट्वालले गरेका थिए ।
