सुरुङ्गा \ बर्देवा वन्धु समाज झापाको अधिवेशन सहितको प्रथम साधारण सभावाट दुई वर्षे कार्यकालका लागि पुनः तेजवहादुर बर्देवा अध्यक्षमा सर्वसम्मत रुपमा चयन भएका छन् ।
समाजको शनिवार धार्मिक क्षेत्र कोटीहोम परिसरमा सम्पन्न भएको साधारण सभाले तेजवहादुर सहित ११ सदस्यीय समिति सर्वसम्मत चयन गरेको हो । समितिको उपाध्यक्षमा अन्जु प्रसाईँ बर्देवा, सचिवमा खगेन्द्र बर्देवा, सहसचिवमा तिलक बर्देवा र कोषाध्यक्षमा सावित्रादेवी बर्देवा चयन भएका छन् ।
सदस्यहरुमा क्रमशः राजकुमार बर्देवा, डिल्लीराम बर्देवा, चन्द्र बर्देवा, रमेश बर्देवा, कर्ण बर्देवा र रीता बर्देवा चयन भएका छन् । समितिको पहिलो वैठकले समाजको सल्लाहकार समिति चयन गर्ने वताइएको छ ।
साधारण सभाकै अवसरमा समाजका तीनजना व्यक्तित्वहरु सम्मानित भएका छन् । यसरी सम्मानित हुनेहरुमा मेचीनगरको वडा नंं.११ वाट वडा परिषद महिला सदस्यमा निर्वाचित अन्जु प्रसाईँ बर्देवा, कनकाई नगरको कार्यपालिका सदस्य सावित्रा बर्देवा र कवि तथा साहित्यकार भोलानाथ बर्देवा रहेका छन् ।
सम्मानित व्यक्तित्व तीनैजनालाई कार्यक्रमका प्रमुख अतिथी बर्देवा समाजका जेष्ठ सदस्य गणेश बर्देवा र विशिष्ट अतिथी कनकाई नगर वडा नंं.४ का वडा अध्यक्ष गोविन्द पौडेलले सम्मान पत्रका साथ दोसल्ला ओडाएर सम्मान गरेका थिए ।
बर्देवा समाजका अध्यक्ष तेजवहादुर बर्देवाको सभापतित्व एवम् जेष्ठ सदस्य गणेश बर्देवाको प्रमुख आतिथ्यतामा सम्पन्न साधारण सभामा समाजका सचिव खगेद्र बर्देवाले संस्थाको भावि योजना सहितको प्रतिवेदन प्रस्तुत गरेका थिए ।
समितिकी उपाध्यक्ष अन्जु प्रसाईँ बर्देवाले स्वागत गरेको कार्यक्रममा कनकाई नगर वडा नं.४ का वडा अध्यक्ष गोविन्द पौडेल, नेपाल वंशज परिषद झापाका अध्यक्ष हरिप्रसाद नेपाल, महेन्द्र रत्न वहुमुखी क्याम्पस मोरङ्का प्राध्यापक जयराम सुन्दास, समाजका प्रमुख सल्लाहकार कृष्ण बर्देवा लगायतले मन्तव्य राखेका थिए । समाजकी कोषाध्यक्ष सावित्रा बर्देवाले स्वागत गीत प्रस्तुत गरेको कार्यक्रमको संचालन सहसचिव तिलक बर्देवाले गरेका थिए ।
