सुरुङ्गा \ नेपाल जेसीज क्षेत्र ‘क’ सम्मेलनको सम्पूर्ण तयारी पूरा भएको शुक्रवार सुरुङ्गामा पत्रकार सम्मेलन मार्फत जानकारी गराइएको छ ।
नेपाल जेसीजका चार वटा क्षेत्र मध्ये पूर्वको झापादेखी पश्चिमको सर्लाहीसम्मका प्रस्तावित शाखा सहित ४० वटा शाखा समेटिएको क्षेत्र ‘क’ को सम्मेलन नेपालकै वन्द निषेधित कनकाई नगरको सुरुङ्गामा सुरुङ्गा जेसीजको आतिथ्यतामा सम्पन्न हुने वताइएको छ ।
जेसीजका युवाहरुको व्यक्तित्व र नेतृत्व विकासका लागि गरिने यो कार्यक्रम यहि भदौ २२ र २३ गते कनकाई उद्योग वाणिज्य संघको सभा हलमा दुई दिन सम्म संचालन हुने सम्मेलन निर्देशक सुरुङ्गा जेसीजका पूर्व अध्यक्ष कुमारमणि पोखरेलले वताएका छन् ।
यस अघि पनि विभिन्न समयमा नेपाल जेसीजको आयोजनामा सम्पन्न भएका राष्ट्रिय स्तरका कार्यक्रमहरु काउन्सीलर एकाडेमी, टट् तालिम सफलतापूर्वक सम्पन्न गरिसकेको सुरुङ्गा जेसीजले यस कार्यक्रमवाट स्थानिय स्तरका धार्मिक तथा पर्यटकिय क्षेत्रको प्रचारप्रसार वढ्नुका साथै व्यपार व्यवसायमा पनि वृद्धि हुने सम्मेलन निर्देशक पोखरेलले वताएका छन् ।
सम्मेलनको संचालन र व्यवस्थापनमा अन्य संघसंस्थाहरुको भन्दा फरक अनुभव दिनका लागि आन्तरिक रुपमा हरेक दिन स्थानिय संघसंस्था,उद्योगी, व्यवसायी, प्राध्यापक, सामाजिक व्यक्तित्वहरुसँगको अन्तरक्रियालाई आतिथ्य शाखा सुरुङ्गा जेसीजले तिव्र पारेको वताइएको छ ।
पूर्व प्रधान न्यायधिश शुसिला कार्कीले उद्घाटन गर्ने सम्मेलनको पहिलो दिन राष्ट्रिय स्तरका विद्धान व्यक्तित्वहरुवाट प्रकरण गोष्ठी र उत्प्रेरणा सम्वन्धी तालिम हुने वताइएको छ । प्रकरण गोष्ठीका लागि प्राध्यापक डा.सुरेन्द्र केसी, राजनितिक विश्लेषक पुरञ्जन आचार्य र संचारकर्मी उज्वल प्रसाईँ वक्ताका रुपमा रहने सुरुङ्गा जेसीजका अध्यक्ष भिमप्रसाद भट्टराईले वताएका छन् । सम्मेलनको प्रमुख आकर्षकका रुपमा चर्चित गायिका आनी छोइङ्ग डोल्मा रहने छिन् ।
“विकास, समृद्धि र सुशासनको आधार युवालाई जिम्मेवार” भन्ने सम्मेलनको प्रकरण रहेको वताइएको छ । प्रकरण गोष्ठी साथै जेसीजका युवाहरुको छलफलवाट कनकाई नगरपालिका सुरुङ्गा घोषणा पत्र समेत जारी गरिने अध्यक्ष भट्टराईले वताएका छन् ।
सम्मेलनलाई सव्य,भव्य र आकर्षक वनाउँनका लागि विभिन्न १५ वटा उपसमिति निर्माण गरेर तयारी तिव्र पारिएको छ । सम्मेलनमा ८ सय वढी जेसीजका युवाहरुको सहभागिता रहने भएकाले ३० लाख सम्मको वजेटको स्टमेट गरिएको आर्थिक समितिका संयोजक शिवकुमार कडेलले वताएका छन् । वजेट व्यवस्थापनको स्रोत सहभागिताको रजिष्ट्रेशन, आन्तरिक स्रोत, नेपाल जेसीजवाट सहयोग साथै झापा जिल्लाका स्थानिय तहवाट प्राप्त हुने सहयोग नै सम्मेलनको आर्थिक स्रोत हुने आर्थिक समितिका संयोजक कडेलले वताए ।
