सुरुङ्गा, नेपाल जेसीजको आयोजनामा संचालन भएको तालिम सप्ताह कार्यक्रम अन्तर्गत वुधवार सुरुङ्गा जेसीजको संयोजनमा व्यक्तित्व विकास एवम् जीवन चक्र तालिम सम्पन्न भएको छ ।
नेपाल जेसीजको क्षेत्र ‘क’ सम्मेलनको पूर्व सन्ध्यामा आयोजना गरीएको तालिममा कुनै पनि संघसंस्थाको नेतृत्वलाई कसरी चलायमान वनाउँन सकिन्छ भन्ने उद्येश्यका साथ कार्यक्रम सम्पन्न गरीएको सुरुङ्गा जेसीजका अध्यक्ष भीमप्रसाद भट्टराईले वताएका छन् ।
तालिममा जेसीजका पदाधिकारी तथा सदस्यहरु, स्थानिय संघसंस्था, नव गठित टोल विकास संस्था, सामुदायिक वन लगायतका ७५ वढी प्रमुख तथा प्रतिनिधीहरुको सहभागिता रहेको अध्यक्ष भट्टराईले वताएका छन् ।
कुनै पनि व्यक्तिले आँफू रहेको संस्थामा कसरी नेतृत्वदायी भूमिका निर्वाह गर्ने भन्ने विषयमा तालिम केन्द्रित रहेको वताइएको छ । नेपाल जेसीजले भदौ ८ गतेदेखी १४ गते सम्मलाई तालिम सप्ताहका रुपमा विभिन्न जेसीज शाखाहरुमा यस किसिमको तालिम गर्दै आएको नेपाल जेसीजका तालिम आयुक्त अनिल वहादुर शाहीले वताएका छन् ।
सुरुङ्गा जेसीजका अध्यक्ष भिमप्रसाद भट्टराईको सभापतित्व एवम् नेपाल जेसीजका प्रशिक्षक रमेश अर्यालले प्रशिक्षण दिएको तालिम सुरुङ्गा जेसीजको सभाहलमा सम्पन्न भएको हो ।
नेपाल जेसीजका तालिम आयुक्त अनिल वहादुर शाहीको प्रमुख आतिथ्यता रहेको तालिम कार्यक्रममा सुरुङ्गा जेसीजका संस्थापक अध्यक्ष लिलाप्रसाद चिमरीया, पूर्व अध्यक्षद्वय कुमारमणि पोखरेल र शिव कडेल, कनकाई सामुदायिक वनका अध्यक्ष ख्याम ओली लगायतले मन्तव्य राखेको कार्यक्रममा सुरुङ्गा जेसीजकी तालिम संयोजक सुष्मा न्यौपानेले स्वागत गरेकी थिइन् ।
विर्ता लेडी जेसीजकी हिमा पौडेलले आस्थावाचन गरेको तालिम उद्घाटन कार्यक्रमको संचालन महासचिव देवेन्द्र रिसालले गरेका थिए ।
