कनकाई खबर \ झापाको कनकाई नगरपालिकामा शुक्रवार एक दिने लागूऔषध दुव्र्यसन रोकथाम सम्बन्धि प्रशिक्षण कार्यक्रम सम्पन्न भएको छ ।
कनकाई नगरपालिकाको आयोजना तथा लागू औषध दुव्र्यसन रोकथाम अभियान नेपालको सहकार्यमा सुरुङ्गामा प्रशिक्षण कार्यक्रम सम्पन्न भएको हो ।नेपालसहित अमेरीका, बेलायत,डेनमार्क,स्वीडेन लगायत १८ वटा देशमा प्रशिक्षण प्रदान गरीसकेका अभियान नेपालका राष्ट्रिय अध्यक्ष एवं पूर्व प्रहरी वरिष्ठ उपरीक्षक बसन्तराज कुँवरले प्रशिक्षण दिँदै चार वर्ष भित्रमा पालिकामा ८० प्रतिशत लागु औषध दुव्र्यसन मुक्त गर्ने प्रतिवद्धता जनाए । कार्यक्रममा अभियान नेपालका तर्फबाट अध्यक्ष कुँवरले कनकाई नगरपालिकालाई आगुऔषध मुक्त बनाउँने अभियानमा सहकार्य गर्न नगरपालिकाको तर्फबाट नगरप्रमुख राजेन्द्रकुमार पोखरेलसँग सम्झौता गरेका छन् ।
सम्झौतापछि कनकाई नगरपालिकाका जनप्रतिनिधि, कर्मचारी, नगर क्षेत्रका विद्यालय व्यवस्थापन समिति साथै प्रधानाध्यापकहरु, स्थानीय आमा समूह साथै स्थानीय नागरीक समाज विच कनकाईमा लागु औषध मुक्त गर्न सामूहिक प्रतिवद्धता जनाइएको छ । अभियान नेपालले कनकाई नगरपालिकालाई लागुऔषध मुक्त पालिका बनाउँन अब रणनीतिक योजना निर्माण गरी तत्काल कार्यक्रम संचालन गर्ने जनाएको छ ।
अभियान नेपालसँग भएको संझौता अनुसार पालिका तथा वडास्तरमा यस अभियानलाई घर घरमा पुर्याउँन विशेष संरचना निर्माण गरिने कनकाई नगरपालिकाका प्रमुख राजेन्द्रकुमार पोखरेलले जनाएका छन् । पालिका साथै नगरका सबै वडामा हेल्पडेस्क स्थापना गरी सूचना साथै परामर्शकालागि विभिन्न समिति साथै दबाव समूह गठन गरी अभियानलाई तिव्रता दिइने बताइएको छ ।
कनकाई नगर प्रमुख पोखरेलको अध्यक्षतामा सुरुङ्गास्थित लायन्स क्लव अफ कनकाई सुरुङ्गाको सभा हलमा सम्पन्न प्रशिक्षण कार्यक्रमको उद्घाटन समारोहमा नगर उपप्रमुख आशा शिवाकोटीले स्वागत गरेकी थिइन् ।
कार्यक्रममा कनकाई नगरपालिकाका जनप्रतिनिधि, नगरका विभिन्न शाखा प्रमुखसहित कर्मचारीहरु,आमा समूह,राजनीतिक दल, विद्यालय व्यवस्थापन समितिसहित प्रधानाध्यापक, विद्यार्थी, स्थानीय विभिन्न राजनीतिक दलका प्रमुख तथा प्रतिनिधिहरु, सुरक्षाकर्मी, संचारकर्मी लगायतको सहभागीता रहेको थियो ।
उद्घाटन कार्यक्रममा नगरका प्रमुख प्रशासकीय अधिकृत मोहनप्रसाद न्यौपाने, गृहमन्त्रालयका विश्वमित्र कुईकेल, प्रहरी नायव निरिक्षक रुगमबहादुर कुँवरलगायतको उपस्थिति रहेको थियो भने कार्यक्रमको सञ्चालन लागू औषध दुव्र्यसन रोकथाम अभियान नेपाल प्रदेश नं. १ का संयोजक इन्द्रप्रसाद ओलीले गरेका थिए ।
