कनकाई खबर \ झापाको कनकाई ४ स्थित प्रस्तावित रङ्गशालामा भएको वडास्तरीय फुटबल प्रतियोगिताको उपाधि वडा नं. ३ ले हात पारेको छ ।
कनकाई नगरपालिका वार्ड नम्बर ४ को आर्थिक सहयोग तथा बुद्ध स्पोटिङ्ग क्लव सुरुङ्गाको आयोजनामा ५ दिन अघि मात्र संचालन भएको प्रतियोगिता आज शनिवार सम्पन्न भएको हो । प्रतियोगिताको पुर्व कृषि मन्त्री तथा निर्वतमान प्रदेशसभा सदस्य हिराकुमार थापा, कनकाई नगरपालिकाका प्रमुख राजेन्द्रकुमार पोखरेल, कनकाई ४ का वडाअध्यक्ष रोशन सुवेदीले उद्घाटन गरेका थिए ।
प्रतियोगिताको फाईनल खेलको ट्राईब्रेकरमा कनकाई ४ लाई हराउदै कनकाई ३ ले उपाधि हात पारेको हो । खेल अवधिभर खेल १—१ गोलमा सकिएपछि पेलान्टी सुट आउटका आधारमा बिजयी टिम छनौट गर्नु परेको बताइएको छ । जसमा वडा नंं. ३ ले ५—४ गोल अन्तरले बिजयी हुदै नगद २५ हजार रुपैँया प्राप्त गर्दा उपबिजयी बनेको वडा नं. ४ ले नगद १५ हजार प्राप्त गरे को थियो ।
खेलमा कनकाई ३ बाट मेक्स मुर्मु र ४ का मोहन क्षेत्रीले गोल गरे । क्षेत्री प्रतियोगिताकै सर्वोत्कृष्ट खेलाडी बनेका थिए । यसैगरि हाई स्कोर बिजयी टिम कनकाई ३ का अरुण श्रेष्ठ बने भने म्यान अफ द म्याच बिजयी टिमका गोलकिपर सरोज शाह बने ।
बिजयी तथा उपबिजयी हुने टिमलाई पुर्व प्रदेश सांसद तथा कृषि मन्त्री हिराकुमार थापा, कनकाई ४ का वडाअध्यक्ष रोशान सुवेदी, कनकाई सामुदायिक वनका अध्यक्ष ख्याम ओली, आयोजक बुद्ध स्पोटिङ्ग क्लवका अध्यक्ष तुलाराम बिक लगायतले नगद,ट्रफी र प्रमाणपत्र वितरण गरे ।
प्रतियोगिताको औपचारिक समारोहलाई सम्बोधन गर्दै प्रमुख अतिथि थापाले आफ्नो पहलमा प्रस्तावित कनकाई रङ्गशालालाई ५० लाख बढी रकम विनियोजन गरेको बताए । खेलमैदनलाई थव व्यवस्थित बनाएर आगामी दिनमा राष्ट्रिय स्तरको खेल प्रतियोगिता संचालन हुन सक्ने अवस्था रहेको भन्दै कार्यक्रमका प्रमुख अतिथी थापाले कनकाईको गहनाका रुपमा रहेक प्रस्तावित रङ्गशालालाई तीन तहकै सरकारबाट बजेट व्यवस्थापन हुनु पर्ने बताए ।
