झापा \ राष्ट्रिय प्रजातन्त्र पार्टीले झापामा पार्टीको निर्देशन विपरित गतिविधि गरेको भन्दै ३ जनालाई पार्टी बाट निष्काशन गरेको छ।
झापा निर्वाचन क्षेत्र नम्बर ४ मा पार्टीको निर्देशन अवज्ञा गर्दै उम्मेद्वारी दिने खुस्बु ओली, क्षेत्र नम्बर १ (ख) मा आफ्नै उम्मेदवार सविना बजगाईं विरुद्द उम्मेद्वारी दिने कल्याण खड्कालाई पार्टीको साधारण सदस्य नरहने गरि निष्काशन गरिएको हो। पार्टी भावना विरुद्द अनधिकृत गतिविधि गरेको भन्दै कन्काई नगरपालिकाका श्यामसुन्दर ओलीलाई पार्टीको साधारण सदस्य समेत निलम्बन गरिएको राप्रपा झापाका अध्यक्ष केशवप्रसाद ओझाको हस्ताक्षरमा जारी पार्टीको प्रेस विज्ञप्तीमा जनाइएको छ ।
झापामा एमाले र राप्रपा बीच तालमेल भएको छ। तालमेल विरुद्द गतिबिधि गरेको र झापा क्षेत्र नम्बर ३ मा राजेन्द्र लिंग्देन बिरुद्द उम्मदेवारी दिएकोमा एमालेले यस अघि नै एमाले झापा जिल्ला सचिवालय सदस्य समेत रहेका डम्बर गिरिलाई साधारण सदस्यता समेत खोसी सकेको छ। त्यस्तै अनधिकृत गतिविधि गर्ने झापाका केहि कार्यकर्तालाई समेत एमालेले कारवाही गरिसकेको छ।
यस्तो छ राप्रपाको विज्ञप्ति
