राम निरौला
सुरुङ्गा/ कनकाई धाम धार्मिक विकास संस्था कोटीहोमको शुक्रवार सम्पन्न निर्वाचनमा संयुक्त प्यानलका सवै उम्मेद्वार निर्वाचित भएका छन् ।
नेपाल कम्युनिष्ट पार्टी र विवेकशिल साझा पार्टीको सहकार्यमा राप्रपाको एउटा समूहको समेत सहयोग रहेको संयुक्त प्यानलका तर्फवाट उम्मेद्वारी वनेका सम्पूर्ण पदाधिकारी तथा सदस्यहरु निर्वाचित भएका हुन् । अर्का तर्फ नेपाली कांग्रेस, राप्रपा नेपाल र संघीय समाजवादी फोरम नेपालको सहकार्यमा लोकतान्त्रिक समावेसी प्यानल निर्माण गरी निर्वाचनको मैदानमा रहेको थियो ।
निर्वाचित भएका संयुक्त प्यानलका पदाधिकारीहरुमा क्रमशः अध्यक्षमा नवलकिशोर दत्तले ७५० मत प्राप्त गरेर २२७ मतको अन्तरले विजयी वनेका छन् भने उनका प्रतिष्पर्धी लोकतान्त्रीक समावेसी प्यानलका अध्यक्षका प्रत्यासी गंगाराम दहालले ५२३ मत प्राप्त गर्न सफल भएका छन् । विजयी वनेका दत्त लामो समयसम्म शिक्षा क्षेत्रमा काम गरेका सेवा निवृत्त शिक्षक समेत हुन् ।
यस क्षेत्रमा सवै जातजाती, वर्ग र समुदायका जनतावीच लोकप्रिय वन्दै आएका दत्त कनकाई नगरपालिकाको कार्यपालिका सदस्य समेत हुन् । नवनिर्वाचित अध्यक्ष दत्तले कोटीहोम धार्मिक विकास संस्थाको विभिन्न जिम्मेवारी सम्हाल्दै आएका थिए । त्यस्तै अध्यक्षका प्रत्यासी दहाल लामो समयदेखी संस्थाको सहसचिव, सचिव, महासचिव लगायत विभिन्न जिम्मेवारीमा रहँदै निवर्तमान वरिष्ठ उपाध्यक्ष समेत रहेका थिए ।
विभिन्न धार्मिक एवम् सामाजिक संघसंस्थामा नेतृत्व तहमा रहेर सफल कार्य सम्पादन गरिरहेका दहाल समाजका एक शालीन एवम् सामाजिक व्यक्तित्वका रुपमा परिचित छन् । त्यस्तै अन्य सवै पदाधिकारीहरु समाजका अग्रज व्यक्तित्वका रुपमा क्रियाशिल सामाजिक अभियन्ताका रुपमा परिचित छन् । जस मध्येका वरिष्ठ उपाध्यक्षमा नारायणप्रसाद ओलीले ७२२ मत प्राप्त गरी विजयी वनेका छन् भने उनका प्रत्यासी नारायणप्रसाद पोखरेलले ५४४ मत प्राप्त गरेका छन् ।
धार्मिक उपाध्यक्षमा टंकप्रसाद सुवेदीले ६९६ मत प्राप्त गरी विजयी वनेका छन् भने उनका प्रतिस्पर्धी कविन्द्र संग्रौलाले ५५४ मत प्राप्त गरेका छन् । त्यस्तै पर्यटन उपाध्यक्षमा दिननाथ खतिवडाले ७२५ मत प्राप्त गरेर विजयी वनेका छन् भने उनका प्रतिस्पर्धी रामप्रसाद अधिकारीले ५३२ मत प्राप्त गर्न सफल भएका छन् । त्यस्तै महासचिवमा डिल्लीराम वाह्रकोटीले ७३८ मत प्राप्त गरी विजयी भएका छन् भने उनका प्रतिस्पर्धी रेणुप्रसाद कडेलले ५१९ मत प्राप्त गर्न सफल भएका छन् ।
त्यस्तै सचिवमा अम्विकादेवी खरेलले ६४२ मत प्राप्त गरेर विजयी भएकी छन् भने प्रतिस्पर्धीका रुपमा रहेका रमेश संग्रौलाले ५९५ मत प्राप्त गरेका छन् । कोषाध्यक्षमा नरेन्द्रप्रसाद फुयालले ७४४ मत प्राप्त गरी विजयी वनेका छन् भने उनका प्रतिस्पर्धी रमेश शेर्पाले ५७६ मत प्राप्त गरेको निर्वाचन समितिका संयोजक टिका पोखरेलले वताएका छन् ।
त्यस्तै विजयी वनेका सदस्यहरुमा क्रमशः दलवहादुर विश्वकर्मा६१७, टीका अधिकारी६५२, श्रीप्रसाद खरेल ६८०, चन्द्रप्रसाद भेट्वाल ६५६, रघुनाथ भट्टराई ६८०, गोविन्दप्रसाद चापागाईँ ६६६, खेम शिवाकोटी ६७४, खेमनाथ खत्री ६४४, गीता चौहान ६६६, ईश्वरा थापा ६५६, टीकाराम प्रसाईँ ६५०, गणेशप्रसाद कडरीया ६३६, मनोजकुमार शिवाकोटी ६५३, खड्गप्रसाद प्रसाईँ ६४५, सोमनाथ खतिवडा ६३७ र भानुभक्त नेपालले ५६२ मत प्राप्त गरी विजयी भएको निर्वाचन समितिका सदस्य रुपनारायण खतिवडाले वताएका छन् ।
प्रत्यासीका रुपमा रहेका सदस्यहरुमा क्रमशः छत्रवहादुर कार्कीले ५२३, निलम ढकालले ५१९, गणेशप्रसाद ढकालले ५०७, देवीकुमारी शिवाकोटीले ४९६, मानवहादुर पौडेलले ५१३, मोहन राजवंशीले ४७६, गोपालप्रसाद सिग्देलले ५०८, पुरुषोत्तम ढकालले ५१८, हरिप्रसाद सेडाईँले ५०८, कैलाशमान दर्जीले ४६८, चन्द्रप्रसाद रिजालले ५३८, गीतादेवी पाण्डे भेट्वालले ५१९, गोमा सिटौलाले ५१३, रामनाथ ढकालले ४८७, मीनाकुमारी पाठकले ५०२, गीता उप्रेतीले ४८० मत प्राप्त गरेको निर्वाचन समितिले जनाएको छ । सदस्यमा स्वतन्त्रका रुपमा रहेका लिलाप्रसाद अधिकारीले ८८, गुरुप्रसाद निरौलाले ३७ र सुदर्शन दाहालले ९४ मत प्राप्त गरेको निर्वाचन समितिका सदस्य ईन्द्र रोक्काले वताएका छन् ।
संस्थामा १४ सय ४३ मतदाता रहेकोमा १३ सय सात मत खसेको थियो । अध्यक्षसहित सातजना पदाधिकारी र १६ जना सदस्य गरी २३ पदका लागि भएको निर्वाचनमा दुईवटा प्यानलविच प्रतिस्पर्धा भएको हो । सदस्य पदका लागि तीनजना स्वतन्त्र सहित अन्य ४६ जना गरी दुवै प्यानलका ४९ जनाको उम्मेद्वारी परेकोमा संयुक्त प्यानलका २३ जना निर्वाचित भएका हुन् ।
