कनकाई खबर \ कनकाई बहुमुखी क्याम्पस सुरुङ्गाले क्युए सटिफिकेट प्राप्त गरेको छ ।
अब कनकाई बहुमुखी क्याम्पसका विद्यार्थीको सटिफिकेट विश्वका जुनसुकै मुलुकका लागि गुणस्तर प्राप्त हुनेछन् । अनुदान आयोगबाट कनकाई बहुमुखी क्याम्पसले उक्त सटिफिकेट प्राप्त गरेको कनकाई बहुमुखी क्याम्पसका अध्यक्ष प्रेमप्रसाद चुडालले बताए ।
क्युए प्राप्त क्याम्पस झापामा कनकाई तेस्रो क्याम्पस भएको छ यसअघि दमक बहुमुखी र त्रिदेव बहुमुखी चारआलीले यो सटिफिकेट प्राप्त गरिसकेको छ । यो सटिफिकेट प्राप्त गरेसगै क्याम्पसको सटिफिकेट अन्तराष्ट्रिय बजारमा उत्कृष्ट मुल्याङ्कन मात्रै हुने छैन कनकाई बहुमुखी क्याम्पसले शैक्षिक र भौतिक विकासका लागि विश्व अनुदान आयोगबाट सहयोग समेत पाउने छ ।
कनकाई बहुमुखी क्याम्पसले यस क्युए प्राप्तका लागि विगत १० बर्षदेखि लामो संघर्ष गर्दै आएको क्याम्पस प्रमुख विकासप्रसाद उप्रेतीले बताए । कनकाई बहुमुखी क्याम्पसमा हाल १ हजार ५ सय विद्यार्थी र ४० जना शिक्षक कर्मचारी रहेको बताइएको छ । कनकाईमा प्रविणता पत्रदेखिदेखि स्नातकोत्तर तहसम्मको अध्यापन हुँदै आएको छ ।
