दमक/ दमकमा डिएसपीकै संरक्षणमा अपहरण र मिटर ब्याज संचालन हुने गरेको खुलासा भएको छ ।
झापा गाउँपालिका ३ सिमलवाडीका ४० बर्षिय युवा अशोक राईलाई गत शनिबार बिहान चार बजे चेक बाउन्सको मुद्धा लिएर प्रहरी र बाउन्स गराउने समुहनै घरमा पक्रन गर्न पुगेपछि उक्त कुरा सार्वजनिक भएको हो ।
झापाको दमकलाई बेस बनाएर जुवा खेलाउने र चर्को मिटर ब्याजमा पैसा लगाउनेहरुलाई प्रशासनकै संरक्षण रहेको रहस्य अशोक राईले पत्रकार सम्मेलनमा बताएका हुन ।
जुवा खेलाउने समुहले आफै उस्काउने र महँगो मिटर ब्याजमा पैसा लगानी गरी चेक काट्न लगाएर चेक बाउन्स गर्नुका साथै पैसा असुल्नका लागि मानिसलाई अपहरण कुटपिट समेत गर्ने गरेको पाइएको हो । सो कार्यमा प्रहरीले समेत सहयोग गर्ने गरेको पीडितका परिवारले बताएका छन् ।
झापा गाउँपालिका–३ सिमलवाडीका ४० वर्षीय अशोक राईको अहिले जुवाले सर्वश्व गुम्नुका साथै ज्यानै जोखिममा परेपछि प्रशासनबाट समेत असुरक्षित भएको भन्दै पत्रकार सम्मेलन गरेपछि जुवा खेलाउने र मिटर ब्याजीलाई प्रहरीकै संरक्षण रहेको रहस्य खुलेको हो ।
आफूले लिएको पैसाका मिटर ब्याजीहरुले अनेक हत्कण्डा अपनाएर उनलाई घर न घाटको बनाउनुका साथै ज्यानै जोखिममा परेको उनकी श्रीमति र बाबुले बताए ।सोही क्रममा चेक बाउन्सको मुद्दा लिएर प्रहरी र बाउन्स गराउने समुह नै राईलाई पक्रन पुगेपछि गाउँलेसंग झडप भएको थियो । गाउँलेको टोलीले प्रतिकार गर्दा सो समुह भागेको स्थानीय प्रत्यक्षदर्शीले बताए । त्यसपछि मात्र राईका परिवारले जुवा र मिटर व्याज काण्ड थाहा पाएपछि क्रमश जुवाडेका नाम सार्वजनीक हुँदै गएका छन् ।
केही दिन अघि पिडित राईलाई दमकको एक होटलमा मरणासन्न हुने गरी कुटपिट समेत गरेको उनले बताए । एउटा चेक बनाउन लगाए, “मरणासन्न हुनेगरी कुट्यो, कानको जाली फुटेर बीएण्डसीमा उपचार गराएँ, धरानमा पनि एक साता बसे’, राईले भने, ‘दमकको घरजग्गा, सुरुङ्गाको भिटासँगै भएभरको सम्पत्ती बुझाए ।
मिटर ब्याजका हिसाबले ४ लाखको ६ लाख बुझाउँदा पनि प्रहरी प्रशासन समेतको संरक्षणमा मिटरब्याजीहरुले लखेटिरहे, अहिले ज्यान नै जोखिममा परेको छ, उनले भने ।
पक्राउ गर्न आउने दमक–५ का विशाल पौडेल गाउँलेले प्रतिकार गर्दा सामान्य घाइते समेत बनेका छन् । सिभिलमा इलाका प्रहरी कार्यालय दमकका प्रहरी नायव निरिक्षक भीम श्रेष्ठ नेतृत्वको टोली र रकम लिने समुह शनिबार बिहान राईको घरमा विहान ४ बजेको समयमा पुगि जवरजस्ती राईलाई धकेल्दै गाडीमा लैजान खोजेपछि घर परिवार र स्थानीयबासीले प्रतिकार गरेको राईका पिता दिपक राईले बताए ।
दमकका नामुक जुवा घरका संचालक समेत रहेका पूर्णप्रसाद रिजालले आफुलाई घरमा जुवा खेल्न बोलाई केही पैसा सापट दिएको र पछि मिटर व्याज जोडेर आफुले साँबा र ब्याज रकम तिरिसक्दा समेत थप ८ लाख रुपैँयाको चेक दमकको होटल हाइवेमा लगेर काटन लगाएको पिडित अशोक राईले पत्रकार सम्मेलनमा बताएका छन् ।
कुटपिटबाट बिरामी भएकाले घरमै औषधि गरेर बसिरहेको बेलामा तिरिसकेको रमकको समेत चेक बाउन्स गरेर प्रहरी समेतलाई आर्थिक प्रभावमा पारेर राती घरमै नियन्त्रणका लागि आएको राईकी श्रीमती कमला लिम्बूले बताइन् ।
दमकका पूर्णप्रसाद रिजाल, सोम खनाल, कमल खनाल, दुर्गा पौडेल लगायातले मिटर ब्याज सहित खेलाएको जुवा खालबाट आफूले ३ बर्षभित्रमा ५ करोड भन्दा वढी रकम सकाएको राईले बताए ।
आफुले यस बीचमा दमकमा रहेको घर डेढ करोडमा विक्री गरेको तथा कनकाई नगरपालिका ३ मा रहेको २ कठ्ठा माटो झापा गाउँपालिका ३ मा रहेको १ बिगाह जमिन समेत विक्री गरेर सबै पैसा जुवामा सकाएको पिडित राईले बताएका छन् ।
सो गिरोहले सुरुमा जतिपनि पैसा सापटी दिने र पछि प्रहरी समेतको संग्लनतामा महगो ब्याज जोडेर चेकमा सहि गर्न लगाउने गरेको पाइएको छ ।
जुवा खेलाउने गिरोहसँग प्रहरीको राम्रो साँठगाठ समेत रहने गरेको जानकारहरुको भनाई छ । इलाका प्रहरी कार्यालय दमकले आफ्नो क्षेत्राधिकार मिचेर झापा गाउँपालिका ३ सिमलवाडीमा अपहरण शैलीमा विहान प्रहरी पठाएको राई परिवारको गुनासो रहेको छ । यसवारेमा इलाका प्रहरी कार्यालय दमकका प्रहरी प्रमुख दिलिप गिरीले उजुरी दमकमा परेका कारण प्रहरी चेक वाउन्सको पक्राउ पुर्जीको कार्यान्वयन गर्न गएको बताए । प्रहरीले त्यहाँको स्थानीय प्रहरीसँग संचार सेटबाट समन्वय गरेको समेत गिरीको भनाई थियो ।
यता झापामा पछिल्लो समय जुवा र मिटर व्याजको गिरोहहरुका कारण सयौ घरपरिवार विचल्लीमा परिसकेको भन्दै यस्ता अपराधिक समुहको सरक्षण प्रहरीले गरिरहेको राई परिवारले बताएको छ । ‘मसँग भएको सबै सम्पत्ति पनि सकियो अझै पनि चेक बाउन्स भनेर दुख दिने काम भइरहेको छ यही तरिका हो भने हामी परिवारलेनै आत्महत्या गर्नुको विकल्प छैन’, राईले भने ।
महगो मिटरब्याजको रकम उठाउन प्रहरी र गुण्डाको प्रयोग उक्त गिरोहले गर्ने गरको राईले बताए ।
महिला माथि प्रहरी ज्यादत्ती
इलाका प्रहरी कायालय दमकका प्रमुख डिएसपी दिलिप राज गिरिले महिलामाथी ज्यादत्ती गरेकाछन ।
दमक स्थित आम्दा इन्टिच्यूट अफ हेल्थ साइन्समा प्राध्यापन गर्ने अम्बिका प्रसाई थापा लाई ज्याद्धती गरेको पत्रकार सम्मेलनमा अम्बिकाले जानकारी गराएकी छिन ।
उनले रातको समयमा आफ्नो छोरालाई होष्टलमा लिन जादा बाटोमै प्रहरीले सडक चेकिङका नाममा दुव्र्यव्हार गरेको बताएकी हुन ।
रातको समयमा आफु घर बसेकै कपाडामा छोरालाई लिन स्कुटीमा जाँने क्रममा उहाँ प्रहरी चेकिङमा पर्नु भएको थियो । सो बेला आफुले स्कुटरको कुनैपनि कागजात नबोकेको र लाइसेन्स पनि नबोको गल्ती स्विकार गर्र्दै गल्ती गरेकोको सजाय स्वरुप जरिवाना काट्न लगाउँदा पनि नकाटेको प्रसाईको भनाई थियो ।
घटना विवरण सुनाउँदै उनले भनिन प्रहरीले पहिलै नसोधि स्कुटरको चावी खोसेको र जरिवाना पनि नकाट्ने र प्रहरी कार्यालयमा स्कुटीको सबै कागजपत्र र लाइसेन्स लिएर जादा पनि स्कुटर नछोडेपछि आफुमाथी दुव्र्यवहार भएको प्रसाईको भनाई छ ।
नेपाल खेलकुद महासघं झापा र राष्ट्रिय यूवा सघं नेपाल झापा कमिटीले संयूक्त रुपमा आयोजना गरेको पत्रकार सम्मेलनमा खेलकुद महासघंका अध्यक्ष भवानी बरालले दमक क्षेत्रमा लागु औषध , यौजनज्य क्रियाकलाप , जुवातास , चोरी निकासी व्यवसायीक रुपमै बढिरहेको र यसको नियन्त्रण गर्न प्रहरी असफल भएको बताए ।
