झापा \ आजबाट तीन दिन देशका विभिन्न भागमा भारी वर्षा हुने जल तथा मौसम विज्ञान विभागले जनाएको छ । यस अघि नै प्रवेश गरिसकेको मौसम आजबाट थप सक्रिय हुने जनाइएको छ । आज दिउँसो देशभर सामान्यदेखि पूर्ण बदली रहने विभागले जनाएको छ ।
आज प्रदेश–१, मधेस प्रदेश, वाग्मती प्रदेश, गण्डकी प्रदेश, लुम्बिनी प्रदेशका थोरै र सुदूरपश्चिम प्रदेशका एकदुई स्थानमा भारी वर्षाको सम्भावना रहेको छ । पूर्वी नेपालका केही स्थानमा गए रातिदेखि भारी वर्षा भइरहेको छ ।
भारी वर्षाका कारण राति १२ बजेदेखि झापाको भद्रपुर, विर्तामोड, शनिश्चचरे, दोमुखा– कनकाई र आसपासमा भारी वर्षा मापन भएको बाढी पूर्वानुमान महाशाखाले जनाएको छ ।
भारी वर्षाका कारण पहिरो, भू–क्षय तथा उच्च बहावको सम्भावना रहेकाले सतर्कता अपनाउन विभागले पटक पटक बुलेटिन जारी गरेर चेतावनी दिएको छ ।
कमेन्टस्
