कनकाई खबर / विश्व वातावरण दिवसको अवसरमा कनकाई नगर वाल संजालले वृक्षारोपण साथै सरसफाई कार्यक्रम सम्पन्न गरेको छ ।
“सुनिश्चित बालमैत्री बानी व्यवहार, सुखी र समृद्ध कनकाईको आधार” भन्ने मूल नारालाई आत्मासाथ गर्दै अघि बढेको नगर वाल संजालले कनकाई नगरपालिका परिसरमा विभिन्न प्रजातीका वृक्ष रोपण गरेको बताइएको छ ।
मानव जीवनसँग प्रत्यक्ष सरोकार राख्ने विषयमा प्रसस्त ज्ञान नहुँदा विशेष गरी वालवालिका नै त्यसको सिकार बन्ने भएकाले यस तर्फ स्थानीय सरकारको समेत ध्यान केन्द्रित गर्ने उद्येश्यले नगर वाल संजालले कनकाई नगरपालिकाको परिसरमा कार्यक्रम केन्द्रित गरेको संजालका नगर अध्यक्ष अभिशेक मिश्रले जानकारी दिए । स्थानीय सरकारका रुपमा रहेको कनकाई नगरपालिकाका प्रमुख साथै सम्पूर्ण जनप्रतिनिधिहरुलाई नगर क्षेत्रको वातावरण हरियाली राख्ने कार्यलाई प्राथमिक्ताका साथ अघि बढाउँन अनुरोध गर्दै नगर वाल संजालका अध्यक्ष मिश्रले वातावरण शुद्धताको अभियान संचालन गर्न कुनै दिवस पर्खनु नपर्ने बताएका छन् ।
वातावरणको शुद्धताकालागि वृक्षारोपण गर्न सबै सचेत नागरिकलाई प्रेरित गर्ने उद्येश्यले नगर वाल संजालले विश्व वातावरण दिवसका अवसरमा सामाजिक संजाल मार्फत विशेष कार्यक्रम बनाएर सचेतना समेत जगाएको संजालका नगर सचिव सार्थक निरौलाले जानकारी दिए ।
वालवालिकाको हक साथै अधिकारलाई सुनिश्चित गर्दै वालमैत्री नगर निर्माणको अभियानमा लागेको कनकाई नगर वाल संजाल स्थापना कालदेखि नै समाज रुपान्तरणमा अन्य सामाजिक संघसंस्थाहरु सरह नै क्रियाशिल रहेको संजालका नगर सचिव निरौला बताउँछन् ।
कनकाई नगर वाल संजालका अध्यक्ष अभिशेक मिश्रको सभापतित्वमा सम्पन्न सरसफाई सहितको वृक्षारोपण कार्यक्रममा संजालका सदस्य अनुप भट्टराईले स्वागतसहित कार्यक्रमको औचित्यमाथि प्रकाश पारेका थिए । कार्यक्रमको संचालन सचिव सार्थक निरौलाले गरेका थिए ।
