कनकाई खबर \ स्थानीय तह निर्वाचनमा झापाको मुख्य निर्वाचन अधिकृतका रुपमा रहेका जिल्ला अदालत झापाका न्यायाधीश गिरिराज गौतमले झापामा निर्वाचित भएका पालिका प्रमुखहरुलाई सपथ गराएका छन् ।
सोमबार एक विशेष कार्यक्रमका विच जिल्ला अदालत झापाको सभाहलमा झापाका १५ स्थानीय तहमध्ये ११ पालिकाका प्रमुखहरुलाई मुख्य निर्वाचन अधिकृत गौतमले सपथ ग्रहण गराएका हुन् ।
सपथ ग्रहण गर्ने प्रमुखहरुमा कनकाई नगरपालिकाका प्रमुख राजेन्द्र पोखरेल, दमक नगरपालिकाका प्रमुख राम थापा, विर्तामोडकी पवित्रा महतरा, भद्रपुरका गणेश पोखरेल, अर्जुनधाराका बलदेव गोम्देन, शिवसताक्षीका मेघाहाङ थोप्रा, बुद्धशान्ति गाउँपालिकाका मनोज प्रसाई, हल्दिबारीका रविन्द्र लिङ्देन, बाह्रदशीका देवेन्द्र चौलागाई, कचनकवलका कालिन्द्रसिंह राजवंशी, झापा गाउँपालिकाका जयनारायण साह रहेका छन् ।
बाँकी रहेका गौरीगञ्ज, कमल गाउँपालिका, गौरादह, मेचीनगर नगरपालिकाका प्रमुखहरुलाई केही दिनपछि सपथ ग्रहण गराइने जनाइएको छ ।
सपथ ग्रहण कार्यक्रममा जिल्ला समन्वय समितिका प्रमुख सोमनाथ पोर्तेल, प्रमुख जिल्ला अधिकारी छविलाल रिजाल लगायतले शुभकामना मन्तव्य व्यक्त गरेका थिए ।
