कनकाई खबर \ झापाको कनकाईमा नेपाली कांग्रेसका एक सदस्यसहित वडाअध्यक्ष र कांग्रेस तर्पmका तीन सदस्य निर्वाचित भएका छन् ।
कनकाई ८ का अध्यक्षका उम्मेद्वार लिलावहादुर कटुवाल ३२ मतको अन्तरले विजयी बनेका हुन् । उनका निकटतम प्रतिद्वन्दी एमालेका प्रेमवहादुर कटुवालले ८८६ मत प्राप्त गर्दा लिलावहादुर कटुवालले ९१८ मत प्राप्त गरी विजयी बनेका छन् ।
विजयी बनेका कांग्रेसका अध्यक्ष कटुवालसँगै महिला सदस्य तर्फ कांग्रेसकै रिता उप्रेती समेत १ हजार २३ मत प्राप्त गरी विजयी बनेकी छन् । अन्य तीन जना सदस्य भने एमाले तर्फका विजयी बनेका छन् । विजयी बनेका दलित महिला सदस्य कविता विकले ९ सय २४ मत, खुल्ला सदस्य तर्फका वलभद्र ढुङ्गेलले ९ सय ३५ मत, अर्का सदस्य भक्तवहादुर विष्टले ९ सय १४ मत प्राप्त गरी विजयी बनेका हुन् ।
त्यसैगरी कनकाई ९ को मत परिणाम समेत चाँडै सार्वजनिक हने अवस्था रहेको छ । एमाले तर्फका वडाअध्यक्षसहितका सदस्यहरुको अग्रता रहेकाले एमाले तर्फका वडावासीहरु अहिले मतगणना परिसरमा विजयी उत्सवमा रमाइरहेको देख्न सकिन्छ ।
