कनकाई खबर डेक्स / कनकाई नगरपालिकाले जननायक वि.पी.कोइरालाको पुर्ण कदको शालिक निर्माण गर्ने भएको छ ।
कनकाई नगर वडा नं. ५ स्थित वि.पी. वन वाटीका परिसरमा कोइरालाको शालिक बन्ने भएको हो । कनकाई नगरपालिकाका प्रमुख राजेन्द्रकुमार पोखरेल, उपप्रमुख मन्जु प्रसाईंले एक कार्यक्रमका विच सोमवार शालिक निर्माण स्थलको शिलान्यास गरेका छन् ।
शालिकसँगै घेरावारासहितको सुन्दर फूलवारी निर्माण गर्नका लागि नगरपालिकाको १० लाख र वडाको ५० हजार गरी कुल रकम १० लाख ५० हजार वजेट विनियोजन गरिएको नगर प्रमुख पोखरेलले वताएका छन् । वि.पी. वन वाटीका परिसरमा एक बाल उद्यान्न समेत निर्माण गरेर विभिन्न प्रजातीका वोटविरुवाका साथ वाटीकालाई पर्यटकीय स्थलका रुपमा विकास गर्ने योजना रहेको नगर प्रमुख पोखरेलले वताए ।
कनकाई नगर वडा नं.५ को वडा कार्यालयको भवन समेत यहि बाटीका परिसरमा निर्माण गर्ने योजना रहेको वताउँदै नगर प्रमुख पोखरेलले वि.पी. सामुदायिक वनको रुपमा २५ वर्ष अगाडी विजारोपण भएको क्षेत्रलाई जनप्रतिनिधीहरुले अव राष्ट्रकै पहिचान दिने कुरामा ढुक्क हुन सम्वन्धित सवैलाई आग्रह गरेका छन् । सामुदायिक वनको अवधारणा अनुसार स्थानीय समाजसेवी जनक शिवाकोटी, रमेश दहाल, स्व.तोयावहादुर कार्की, स्व.लक्ष्मण चुडाल लगायत स्थानीयवासीको सक्रियतामा वन वाटीकाको प्रारम्भ भएको हो ।
स्थापनाको केही वर्षपछि संरक्षणको अभावका कारण जीर्ण वन्दै गएको वि.पी. वन वाटीका स्थल स्थानीय संधियारहरुवाटै असुरक्षित वन्दै गएपछि प्राकृतिक स्रोत द्वन्द रुपान्तरण केन्द्रका संयोजक हेम विमली सहित समूहको पहलमा वातावरण सहज वनेपछि पर्यटकीय क्षेत्रको अवधारणा आएको वडा अध्यक्ष कृष्णवहादुर राईले वताएका छन् । निर्माण उपभोक्ता समितिका अध्यक्ष याम फूयालको सभापतित्व रहेको शिलान्यास कार्यक्रममा वडा नं.५ का वडाअध्यक्ष कृष्णवहादुर राई, परिषद सदस्यहरु, पूर्व जनप्रतिनिधी साथै स्थानीय सामाजिक व्यक्तित्वहरुको सहभागिता रहेको निर्माण समितिका सचिव छत्रवहादुर लिम्वूले वताएका छन् ।
