कनकाई खबर \ झापाको कनकाई ३ स्थित ग्लोबल एडुकेयर एकेडेमीले कनकाईमा पहिलो पटक ग्लोबल स्पोर्टस जोन सञ्चालनमा ल्याउने भएको छ ।
ब्रिटिस काउन्सीलद्वारा इन्टरनेसनल स्कुल अवार्ड प्राप्त गर्न सफल ग्लोबल एडुकेयर एकेडेमीले विद्यार्थीहरुको चौतर्फी विकासलाई मध्यनजर गर्दै नगरमै पहिलो पटक ग्लोबल स्पोर्टस जोन सञ्चालनमा ल्याउन लागेको हो ।
ग्लोबल स्पोर्टस जोनमा विद्यार्थीहरुले आफूले चाहेको अतिरितm क्रियाकलाप सिक्न वा खेल्न पाउने भएका छन् । स्पोर्टस जोनमा कराँते, व्रिmकेट, फुटबल, व्याडमिन्टन, भलिबल, टेबलटेनिस, म्युजिक र डान्सको सुविधा रहने ग्लोबल एडुकेयर एकेडेमीका प्रिन्सिपल विमान लामा तामाङ्गले बताए ।
विद्यालय र स्पोर्टस जोन फरक फरक ब्लकमा सञ्चालन हुने बताइएको छ । स्पोर्टस जोनमा कम्पाउन्डको साथै सेक्युरिटी गार्ड र प्रशिक्षकहरु रहनेछन् । स्पोर्ट्स जोनमा जुनसुकै विद्यालयका विद्यार्थीहरुले पनि भर्ना भई सिक्ने वा खेल्न पाउनेछन् । साथै यस विद्यालयमा अध्ययनरत या आउँदो शैक्षिक शत्रबाट यस विद्यालयमा पढ्न चाहने विद्यार्थीहरुलाई भने भर्ना शुल्कमा छुट गरिने भएको छ । स्पोर्टस जोन हरेक दिन बेलुका ५ बजेदेखि सञ्चालन हुने बताइएको छ । अभिभावकको चाहना भएमा बिहानको समयमा पनि स्पोर्टस जोनको नियम पालना गरी अभिभावक समेतलाई खुल्ला गर्न सकिने बताइएको छ । स्पोर्टस जोन यहि वैशाख १७ गते शनिबारदेखि सञ्चालनमा आउने भएको छ ।
स्पोर्टस जोन संचालनको तयारीमा रहेकै बेला हाल विद्यार्थीको चाप बढ्न थालेकोले अभिभावकहरुले समयमै आफ्नो नानीहरुको नाम दर्ता गराई सिट सुरक्षित गर्नु पर्ने विद्यालयले जनाएको छ ।अबका वालवालिकालाई पढाइमा मात्र नभएर उनीहरुको क्षमतालाई समेत बुझेर अतिरिक्त क्रियाकलापमा समेत ध्यान दिनुपर्ने कुरामा जोड दिँदै विद्यालयका प्रिन्सिपल विमान लामा तामाङ्गले विद्यार्थीहरु अतिरिक्त क्रियाकलापमा समेत अबल भएमा यसबाट पनि नाम र दाम कमाउँन सकिने साथै नेपाल र नेपालीलाई विश्व सामु चिनाउन समस्या नहुने बताए । यसले फुर्सदको समय सदुपयोग हुने साथै शारिरीक व्यायाम पनि हुने भएपछि अब वालवालिकाको पहिलो रोजाई नै ग्लोबल एडुकेयर एकेडेमीको स्पोर्टस जोन भएको बताइएको छ ।
