नकलबन्दा / श्री बिन्ती बचत तथा ऋ
ण सहकारी संस्था
को आयोजनामा एक दिने निःशुल्क एक्युप्रेसर एवम् होमियो उपचार शिविर शनिबार सम्पन्न भएको छ ।
बिलिभर्ष इङ्लिस स्कुलको भवनमा सम्पन्न भएको कार्यक्रमको प्राविधिक सहयोग आत्रेय होमियो फार्मेसी एवम् एक्युप्रेसर उपचार सेवाको रहेको थियो । स्वास्थ्य शिविरबाट १ सय १० भन्दा बढी चिया बगानमा कार्यरत मजदुर तथा शेयर सदस्यले सेवा लिएको संस्थाकी व्यवस्थापक आरती उराँवले जानकारी दिइन् ।
संस्थाका अध्यक्ष दशरथ खडियाको सभापतित्व तथा मेचीनगर–८ का वडा अध्यक्ष विकेन्द्र धिमालको प्रमुख आतिथ्यतामा सम्पन्न कार्यक्रममा शिक्षासेवी देवनारायण सिटौला, डाक्टर गोपाल आत्रेय पौडेल, बिलिभर्ष इङ्लिस स्कुलका प्रिन्सिपल प्रतिक उराँवलगायतले बोलेका थिए । कार्यक्रमको सञ्चालन संस्थाका सदस्य विकास देवकोटाले गरेका थिए ।
शिविर सञ्चालनमा प्राविधिक सहयोग गरेका डा. गोपाल आत्रेय पौडेल, स्वास्थ्य प्राविधिक बद्रीप्रसाद अधिकारी, स्वास्थ्य सहयोगी कल्पना सुवेदी, नवराज रिसाल, भावना खनाललाई कदर पत्र प्रदान गरिएको थियो ।
