कनकाई खबर \ कनकाई नगरपालिकाका प्रमुख राजेन्द्र पोखरेलले पत्रकारबाट सम्प्रेषण हुने समाचारका विषय खोजमुलक बन्नु पर्ने बताए ।
झापाको कनकाई–१ दुर्गापुरमा भएको ‘खोजमूलक फिचर लेखन र मिथ्या सूचनाको चुनौति’ विषयक दुई दिने प्रशिक्षण कार्यक्रमलाई सम्बोधन गर्दै नगर प्रमुख पोखरेलले राजनीतिक प्रभावमा भएको पत्रकारिताले कसैलाई पनि फाइदा नहुने बताए । नगर प्रमुख पोखरेलले पत्रकारिता पेशालाई थप विश्वसनीय साथै मर्यादित बनाउँनु पर्ने कुरामा समेत जोड दिए । पत्रकारहरुबाटै कहिलेकाही आफ्नो कर्तव्य बिर्सिएर अरुको चरित्र हत्या गर्ने काम हुने गरेको तितो यथार्थको स्मरण गर्दै नगर प्रमुख पोखरेलले स्वस्थ, स्वच्छ र निष्पक्ष पत्रकारिता आजको आवश्यक्ता रहेको बताए ।
कनकाई नगरपालिकाको आर्थिक सहयोगमा सम्पन्न तालिम नेपाल पत्रकार महासंघ झापा शाखाले आयोजना गरेको हो । कनकाई नगर कार्यक्षेत्र भएकासहित जिल्लाका क्रियाशील ४९ जना सञ्चारकर्मीको सहभागिता रहेको प्रशिक्षणको सहजीकरण खोज पत्रकार तथा सम्पादक मोहन मैनालीले गरेका थिए ।
पत्रकार महासंघ झापा शाखाका अध्यक्ष एकराज गिरीको अध्यक्षतामा संचालन भएको तालिमको उद्घाटन शनिबार कनकाई नगरपालिकाका प्रमुख राजेन्द्रकुमार पोखरेलले गरेका थिए भने समापन समारोहमा महासंघका पूर्व अध्यक्ष केशव आचार्यको प्रमुख आतिथ्य रहेको थियो । तालिम समापन समारोहमा सहभागीलाई प्रमाणपत्र प्रदान गरिएको थियो । प्रमुख अतिथि आचार्यले पत्रकार मिथ्या सूचनाबाट बच्नुपर्ने र चुक्न नहुने बताए । उनले पत्रकारहरु अध्ययनशील र समाचार खोजमूलक हुनुपर्नेमा जोड दिए ।
कार्यक्रममा कनकाई नगरपालिकाकी उपप्रमुख मन्जु प्रसाईँ, महासंघका राष्ट्रिय परिषद् सदस्य तथा फोनिजका नेता दिपीन राई, प्रेस चौतारीका प्रदेश सदस्य राम निरौला, प्रेस युनियनका जिल्ला सचिव डिल्लीराम घोर्साइ, प्रेस सेन्टरकी जिल्ला उपाध्यक्ष होमकुमारी कुमाल (सुष्मा), स्वतन्त्र पत्रकार संघका जिल्ला अध्यक्ष नरेन्द्र ढकालले मन्तव्य राख्दै अत्यावश्यक विषयमा महासंघले तालिम आयोजना गरेर पत्रकारको क्षमता अभिवृद्धिमा महत्वपूर्ण टेवा पु¥याएको बताए ।
कार्यक्रममा सहभागीको तर्फबाट तीर्थराज खरेल र तलु वास्केले आफ्ना अनुभव सुनाएका थिए । कार्यक्रमको सञ्चालन महासंघका उपाध्यक्ष केशव भट्टराईले गरेका थिए ।
