काठमाडौं / झापाको कनकाई नगरका युवा मिलन कट्टेल प्रगतिशील बैदेशिक रोजगार ब्यवसायी मञ्चको पाँचौं अधिवेशनबाट उपमहासचिवमा सर्वसम्मत भएका छन् ।
काठमाण्डौमा भएको मंचको पाँचौं अधिवेशनले राजेन्द्र भण्डारीको अध्यक्षतामा ३१ सदस्यीय कार्यसमिति निर्वाचित गरेको हो । मञ्चका पाँच उपाध्यक्षमा क्रमशः डिकबहादुर खत्री कुमार, दलबीर भण्डारी, रामकुमार राई, सरिता घले र सन्जु गुरुङ निर्वाचित भएका छन् । आइतबार भएको मञ्चको निर्वाचनले महासचिवमा जनक रावललाई निर्वाचित गरेको छ । दुई उपमहासचिवमा मिलन कट्टेल र डण्डपाणि भट्टराई दिलीपलाई चयन गरेको छ ।
त्यसैगरी, ७ सचिवमा मदन पौडेल, सुशील केसी, हरिबहादुर ठाडामगर, अमृत विश्वकर्मा, बेनीबहादुर कार्की, घनश्याम सिंजाली र राजेन्द्र अधिकारीलाई निर्वाचित गरेको छ । कोषाध्यक्षमा शिवहरि मैनाली शितललाई चयन गरेको छ ।
सदस्यहरुमा जनक पौडेल, हरि डाँगी, आङछिरी शेर्पा, भीष्मप्रसाद शिवाकोटी, खेमनाथ गौतम, माधवप्रसाद भूर्तेल, दीपक आचार्य, उमेश महतो, सूर्यबहादुर डाँगी, विनोद बिष्ट, मोहनप्रसाद आचार्य, श्यामचन्द्र खतिवडा, रेशम लामिछाने र लोकबहादुर सुवेदी चयन भएका छन् ।
मञ्चको अध्यक्षमा भण्डारीले रोहन गुरुङलाई पराजीत गर्दै निर्वाचित भएका हुन् । मञ्चको अधिवेशन २०७८ फागुन ३० मै सुरु भए पनि नेतृत्व चयनमा बिलम्ब भई चैत ६ मा निर्वाचन भएको हो ।
