कनकाई खबर \ नेपाली कांग्रेस कनकाई १ को वडा समितिको अगुवाईमा एकै दिन २ वटा भातृसंगठन गठन गरिएको छ ।
शनिबार वडाकै मैनाली बन्धुहरुको सामुदायिक भवनमा सम्पन्न पार्टी कार्यकर्ताहरुको भेलाले युवा कार्यकर्ता गोपाल सिग्देल पौडेलको सभापतित्वमा सर्वसम्मत २३ सदस्यीय नेपाल तरुणदल वडा समिति गठन गरिएको हो ।
समितिको उप–सभापतीमा प्रदिप कोइराला र संजिव ऋषिदेव, सचिवमा खगेन्द्र नेपाली र पवन भुजेल, सह–सचिवमा आयुष निरौला र तुलसा योगी, कोषाध्यक्षमा ममता थापा चयन भएका छन् भने सदस्यहरुमा क्रमशः धिरेन गुरुङ्ग, विजय पाण्डे, बालिका चौहान, कृष्णा कार्की, ठाकुर कार्की, सन्तोष नेपाली, सुजन लिम्बु, दिपेश वि।क। प्रेम थापा, झलक कोईराला, निशान भुजेल, प्रज्वल डाँगी, भुवन ओली, केशव दाहाल, कुमार रोक्का चयन भएका छन् ।
त्यस्तै नेपाल किसानसंघ पार्टीका पुराना कार्यकर्ता स्थानीय थामबहादुर कटुवालको सभापतित्वमा सर्वसम्मत रुपमा १३ सदस्यीय वडा समिति गठन गरिएको छ । समितिको उपसभापतीमा टेकबहादुर भुजेल र शिवनारायण योगी, सचिवमा याम पराजुली, सह–सचिवमा प्रकास ओली, कोषध्यक्षमा कृष्णकुमारी कोइराला चयन भएका छन् । त्यस्तै सदस्यहरुमा क्रमशः खगेन्द्र बराल, बृद्धिलाल ढुङ्गेल, यदुनाथ भटराई, शंकर वि।क। र गोविन्द कोईराला सर्वसम्मत रुपचा चयन भएका छन् ।
कांग्रेस पार्टीले आफ्नो १४महाधिवेशन सम्पन्न पश्चात संगठनको हितका निमित्त विभिन्न भातृसंघहरुको आवश्यकता ठहर गरी वडा स्तरीय गठनका कार्यक्रमहरु सञ्चालन हुँदै आएको छ । नेपाली कांग्रेस वडा नं.–१ का सभापती मनोज बस्नेतको अध्यक्षतामा सम्पन्न कार्यक्रममा वडा उपसभापती नरपती पाण्डेले स्वागत तथा कार्यक्रमको औचित्यमाथी प्रकास पारेका थिए । नेपाली कांग्रेस जिल्ला कार्यसमिति सदस्य तथा कनकाई वडा नं–१ का जिल्ला प्रतिनिधि लीलाप्रसाद चिमरियाको प्रमुख आतिथ्यता रहेको कार्यक्रममा नेपाल विद्यार्थी संघ जिल्ला सभापती राजेन्द्र उप्रेती, नेपाल किसान संघ कनकाई नगर सभापती , रमेश सेर्पा दावाले शुभकामना राखेका थिए । १ नं. प्रदेश अधिवेशन प्रतिनिधि मनोजकुमार पोखरेल, कनकाई नगर उप–सभापती सुर्यकुमार थापा, तरुणदल नगर प्रतिनिधी सरोज भेटवाल लगायतको आतिथ्यता रहेको कार्यक्रमको सञ्चालन वडा सचिव त्रिलचन रिजालले गरेका थिए ।
