कनकाई खबर \ सामाजिक गतिविधिलाई तिब्रता दिँदै आएको सुरुङगा जेसीजले ११२औं अन्तर्राष्ट्रिय श्रमिक महिला दिवसको अवसरमा दुईजना श्रमजिवी महिलालाई लत्ताकपडासहित खाद्यान्न सामाग्री वितरण गरेको छ ।
जेसीजले कनकाई ८ र ९ का २ जना श्रम जिवी महिलालाई लत्ताकपडा तथा खाद्यान्न सामग्री वितरण गरेको हो ।
मंगलबार कनकाई ८स्थित लक्ष्मीपुरमा आयोजित कार्यक्रममा अति विपन्न श्रमजीवी महिलालाई सामाग्री वितरण गरिएको कार्यक्रम संयोजक सुरुङा जेसीज वर्ष २०२२ कि शिक्षा संयोजक निर्मला खड्काले जानकारी दिईन् ।
सामाग्री पाउनेमा अति विपन्न श्रमिक कनकाई ८ कि बिमला राजवंशी र कनकाई ९ कि कमला हाडी रहेको सुरुङ्गा जेसीजका उपाध्यक्ष रोहित कोइरालाले जानकारी दिए ।
वर्ष २०२२ कि अध्यक्ष सुस्मा न्यौपानेको अध्यक्षतामा भएको कार्यक्रमको आस्था वाचन साँस्कृतिक संयोजक सारिका गिरीले गरेकी थिइन् । कार्यक्रमकी प्रमुख अतिथि कनकाई ८ की कार्यपालिका सदस्य सुनिता खरेल (सिक्देल)ले महिलाहरुलाई अगाडि बढाउन राजनीतिक दलले ध्यान दिनुपर्ने बताएकी छिन्। उनले अग्रजहरुसँग सम्पर्कमा रहने र सम्मान गर्नुपर्ने पनि बताएकी छिन् । कार्य पालिका सदस्य खरेल(सिक्देल)ले आफ्नो सन्तानलाई महिलालाई सम्मान गर्न सिकाउनुपर्ने बताएकी छन् ।
सुरुङगा जेसीज वर्ष २०२२ की अध्यक्ष सुष्मा न्यौपानेको सभापतित्वमा सम्पन्न कार्यक्रममा सुरुङ्गा जेसिजका पुर्व अध्यक्षहरु शिव कुमार कडेल र सरला दाहाल पोखरेल , वडा सदस्य मुना शिवा , सुर्योदय महिला बालबालिका संरक्षण समितिका अध्यक्ष तथा कानुन ब्यवसायी ,टोल बिकास संस्थाका अध्यक्ष लगायतले आ–आफ्नो धारणा राखेका थिए । कार्यक्रमको संचालन सचिव किशोर दहालले गरेका थिए ।
