कनकाई खबर \ नेकपा एमाले झापाको प्रचार तथा प्रकाशन विभाग प्रमुखमा पत्रकार गोपाल काफ्लेलाई जिम्मेवारी दिएको छ ।
एमाले झापाको बुधबार बसेको वैठकले काफ्लेलाई एमाले झापाको प्रचार तथा प्रकाशन विभाग प्रमुखको जिम्मेवारी दिएको हो । पत्रकार काफ्ले चौतारीका केन्द्रीय सदस्य, एमाले झापाका जिल्ला सदस्य हुन् । पत्रकारिता विषयको प्राध्यापक उनी यसअघि एमाले जिल्ला अधिवेशनबाट खुल्ला सदस्य पदमा निर्वाचित जिल्ला सदस्य हुन् ।
त्यस्तै पत्रकार मोहन काजीलाई नेकपा एमालेको जनवर्गीय संगठन प्रेस चौतारी झापाको इन्चार्जको जिम्मेवारी दिएको छ । एमाले झापाको बुधबार बसेको वैठकले काजीलाई प्रेस चौतारी झापाको इन्चार्जको जिम्मेवारी दिएको हो । पत्रकार काजी चौतारीका केन्द्रीय सदस्य, एमाले झापाका जिल्ला सदस्य हुन् । उनी यसअघि चौतारीको कोटामा एमाले जिल्ला अधिवेशनबाट सदस्य पदमा सर्वसम्मत चयन भएका थिए ।
