कनकाई खबर \ झापाको कनकाईमा क्रियाशिल सामाजिक संस्था सुरुङ्गा सहकार्य युवा क्लबले एक विशेष कार्यक्रमका विच विपन्न समुदायका ३० परिवारलाई न्यानो कपडा (ब्ल्याङ्केट) वितरण गरेको छ ।
काठमाण्डौस्थित चुजी फाउन्डेसनको सहयोगमा कनकाई १ र २ का विपन्न परिवारलाई न्यानो कपडा वितरण गरिएको कार्यक्रम संयोजक क्लवका निवर्तमान अध्यक्ष राजकुमार कट्टेलले जानकारी दिए । क्लवका अध्यक्ष सुदिप भण्डारीको सभापतित्व एवम् कनकाई १ का वडाअध्यक्ष रोशन पोखरेलको प्रमुख आतिथ्य रहेको कार्यक्रम वडा नंं.१ स्थित जुके कल्भर्ट चोकमा सम्पन्न भएको हो ।
कार्यक्रममा विशिष्ट अतिथीका रुपमा कनकाई २ का वडाअध्यक्ष परशुराम गिरी, कार्यपालिका सदस्य एवम् वडासदस्यहरु सीता अधिकारी, प्रताप राई, देवी अधिकारी, नरादेवी मगर, संस्थापक अध्यक्ष प्रविन तिम्सिना, संस्थापक सचिव कमल कट्टेल, सुमन कार्की, भिम राजवंशी, पुर्ण श्रेष्ठ साथै अग्रज समाजसेवीहरु ऋषिकेश खतिवडा, जविन तिम्सिना, राम पोख्रेल, रोहित कोईराला लगायतको उपस्थिती रहेको बताइएको छ ।
क्लवका निवर्तमान अध्यक्ष राजकुमार कट्टेलले स्वागतसहित औचित्य माथि प्रकाश पारेको कार्यक्रमको संचालन संस्थाका सदस्य विबेक शिवाकोटीले गरेका थिए ।
