के.पी. लुईटेल,
कनकाई खबर (ईलाम सम्वाददाता) \ माइजोगमाई गाउँपालिकाको पशुपंक्षी तथा मत्स्य विकाश शाखाको आयोजना एवम् सहारा नेपाल वचत तथा ऋण सहकारी संस्था लि. को प्राविधिक सहयोगमा पशुपालक कृषकका पशु चौपायलाई पिपिआर भ्याक्सिन खोप निशुल्क लगाइएको छ ।
हरेक वाख्रापालन गर्ने कृषककालागि वाख्रालाई दिइने विभिन्न खोपको जानकारी हुनु अति नै महत्वपूर्ण हुन्छ । पिपिआर वाख्रावस्तुमा देखिने एक प्रकारको जटिल विराम हो र यो हैंजाको रुपमा पनि फैलिने हुन्छ । जसका कारण अन्य स्वस्थ वाख्रामा पनि संक्रमण फैलाउन सक्छ । तसर्थ माइजोगमाई गाउँपालिकासँगको सहकार्य र सहारा नेपाल साकोसको प्राविधिक सहयोगमा पशु चौपायलाई निशुल्क खोप लगाइएको हो । नेपाल सरकारले ल्याएको कार्यक्रममा स्थानीय गाउँपालिकामा प्राप्त खोपलाई स्थानीय माइजोगमाइ गाउँपालिकाको वडा नं.४मा वाख्रापालन गरिरहेका कृषकहरुका करिब २ सय वटा वाख्रामा निशुल्क पिपिआर भ्याक्सिन लगाइएको सहारा नेपाल साकोस इलामका अनुगमन अधिकृत तोयानाथ आचार्यले बताए ।
वाख्रामा देखिने रोगका कारण मृत्युदर पनि वढि हुने हँुदा खोपका कारण कृषकलाई हुने ठूलो क्षतिको न्युनीकरण हुन सक्ने बताइएको छ । यस गाउँपालिका क्षेत्रमा कृषकहरुबाट भएको व्यवस्थित पशुपालनका माध्यमले थप लाभ हुने प्रकृतीका अन्य कार्यक्रमहरु समेत आगामी दिनमा ल्याइने कुरा माइजोगमाई गाउँपालिका पशु शाखा प्रमुख सुमन देवानले बताए । बाख्रामा पहिले ज्वरो आउने, शरिरको तापक्रम १०४ डिग्री देखि वृद्धि हुँदै जाने, मुख र नाकबाट पानी आउने, निमोनिया हुने जस्ता समस्याहरु पिपिआरका लक्षण भएको बताइएको छ । यस्ता संक्रमणबाट जोगाउनकालागि यस किसिमका पिपिआर भ्याक्सिन लगाउने गरेको सहारा नेपाल साकोसका पशु प्राविधिक निरोज लुईटेलले जानकारी दिए ।
एउटा बाख्राकालागि एक एम.एल. को मात्रा कम्तिमा पनि ४ महिना भन्दा माथिको उमेर भएका वाख्रालाई यो खोप दिन उपयुक्त हुने साथै एकपटक लगाएको खोपले तीन वर्षसम्म काम गर्ने प्राविधिक लुईटेलले बताए । त्यस्तै एफएमडी भ्याक्सिन विशेष गरेर खुरफट्टा जनावर जस्तै गाई, भंैसी, भेडा, वाख्रा आदिमा देखापर्ने एक प्रकारको भाइरल रोग नै रहेको हुनाले यो खोप वाख्रालाई पनि दिनु उपयुक्त हुने प्राविधिक बताउँछन् । वाख्राको शरिरमा हुने तापक्रम १०३.५ डिग्री सम्मलाई सामान्य नै मानिने भएपनि थोरै ( ०.५) मात्र पनि तापक्रम बढेर १०४ डिग्री भएमा यसलाई संवेदनशील समस्याकै रुपमा हेर्नु पर्ने बताइएको छ । एफएमडी भ्याक्सिन दिएका वाख्रालाई यस किसिमको समस्याबाट समेत बचाउन सकिने सहारा नेपाल साकोसका पशु प्राविधिक लुईटेलले बताए ।
