कनकाई खबर \ झापाको मेची पुलबाट मेची महाकाली उल्टो पैदल यात्रा सुरु गरेका दाङ तुलसीपुर– ३ रानागाउँका ऋषि परियारले दुई दिनमा ३६ किलो मिटर यात्रा पुरा गरेका छन् ।
शनिवार विहान काँकरभिट्टाबाट यात्रा सुरु गरेका परियार सोही दिन बेलुका बिर्तामोड आइपुगेका थिए । विर्तामोडबाट आइतबार बेलुका झिलझिले सम्म पुगेका परियारले दुई दिनमा ३६ किलो मिटर यात्रा गर्न सफल भएका हुन् । एकै दिनमा ३० देखी ४० किलो मिटर सम्म यात्रा गर्ने योजनामा रहेका परियारले दुई दिनमा मात्र तार्गेट पूरा गरेका छन् ।
उल्टो पैदल यात्राको योजना बनाएर दाङको तुलसीपुरदेखि झापा आएका परियारले एकल पैदल यात्राकालागि कुनै पनि सरकारी निकायबाट कुनै किसिमको सिफारीस या अनुमति पत्र भने नल्याएको बताए । परियारको पैदल यात्राको सुरुवात वा निरन्तरताकालागी मान्यता प्राप्त कुनै निकायबाट प्रमाणित गरेको कागजात प्राप्त नगरेकै कारण उनको महत्वपूर्ण यात्रा ओझेलमा पर्ने होकी भन्ने आशंका उव्जन थालेको छ ।
‘स्वास्थ्यकालागि मेचीमहाकाली उल्टो पैदल यात्रा’ नारा दिएका परियारले दुई महिनामा महाकाली पुग्ने योजना बनाएको बताए । हातले टेकेर यसअघि विश्व रेकर्ड (गिनिज बुक) मा नाम लेखाई सकेका परियारले उल्टो यात्रा सकेर पनि आवेदन दिने बताएका छन् । पैदल यात्री परियारले कोरोनामुक्त समाजको परिकल्पना गर्दै यात्रा प्रारम्भ गरेको बताए । उनलाई नेकपा माओवादी कनकाईका युवा नेता प्रदिप उप्रेतीको नेतृत्वमा सोही पार्टीका कनकाई ३ का वडाअध्यक्ष समेत रहेका पत्रकार लिलाराज झापालीसहित माओवादीका कार्यकर्ताले कनकाईमा स्वागत गर्दै शिवसताक्षीकालागि स्कटिङ गराएका थिए । झिलझिलेबाट सोमबार मध्यान्नदेखि यात्रा सुरु गरेका परियारले बेलुका दमकमा गएर बस्ने योजना रहेको बताए
