कनकाई खबर \ झापाको सुरुङ्गामा राष्ट्रिय यूवा संघ नेपाल र अनेरास्ववियु कनकाई नगर कमिटीको संयुक्त आयोजनामा वर्तमान गठबन्धन सरकारको असंवैधानिक गतिविधिको विरुद्धमा विरोध प्रर्दशन भएको छ ।
गठबन्धन परामादेशी सरकारको असंवैधानिक अभिब्यक्ति, स्थानीय चुनाव नगर्ने चलखेल, अस्वाभाविक मूल्यवृद्धि लगायतको विरुद्धमा सुरुङ्गाको गणतन्त्र चोकमा विरोध प्रर्दशन गरिएको हो ।
बुधबार साँझ सुरुङ्गा चोकबाट निस्किएको विरोध जुलुस बजार परिक्रमा गर्दै कोण सभामा परिणत भएको यूवा संघ नेपाल कनकाईका अध्यक्ष विश्वविजय खरेलले बताएका छन् । प्ले कार्डसहित बजार परिक्रमा गरेको युवाहरूको समूहले लिपुलेक, लिम्पियाधुरा र कालापानी भूमि फिर्ता गर, भारतीय बिस्तारवाद मुर्दावाद, परमादेश सरकार मुर्दावाद, स्थानीय निकायको चुनावको मिति घोषणा गर जस्ता नारा लगाएका थिए ।
त्यस्तै अस्वाभाविक मूल्यवृद्धि फिर्ता गर, रेणु यादवलाई बर्खास्त गर लगायतका माग राख्दै युवाहरुले सरकारको ध्यानाकर्षण गराएको विद्यार्थी नेता रविन गुप्ताले जानकारी दिएका छन् ।
