कनकाई खबर \ झापाको सुरुङ्गामा राष्ट्रिय प्रजातन्त्र पार्टीका केन्द्रिय अध्यक्ष राजेन्द्र लिङदेनले सम्बोधन गर्ने भएका छन् ।
पार्टीको केन्द्रिय अध्यक्षमा निर्वाचित भएसँगै पहिलो पटक कनकाईको सुरुङ्गामा आउँन लागेका अध्यक्ष लिङदेनलाई पार्टीको कनकाई नगर समितिले स्वागत सम्मान गर्ने कार्यक्रम तय गरेको राप्रपा कनकाईका अध्यक्ष ज्योतीकुमार उप्रेतीले बताएका छन् ।
स्वागत सम्मानसहितको कार्यकर्ता भेला तथा वृहत पार्टी प्रवेशको कार्यक्रमलाई अध्यक्ष लिङ्देनले सम्बोधन गर्ने भएका छन् । सुरुङ्गा खानेपानीको सभा हलमा यहि माघ ४ गते मंगलबार विहान ११ बजेलाई तय गरिएको कार्यक्रममा विभिन्न पार्टी परित्याग गरी राप्रपामा प्रवेशको कार्यक्रम रहेको पार्टीका कनकाई नगर अध्यक्ष उप्रेतीले कनकाई खबरलाई जानकारी दिए । कार्यक्रममा पार्टीका सवै तहका कार्यकर्ताहरु, अन्य शुभचिन्तक सम्पूर्ण महानुभावहरुलाई आवश्यक स्वास्थ्य सुरक्षा अपनाउँदै उपस्थितीकालागि नगर समितिले अनुरोध गरेको छ ।
